#سلام_بر_عاشورائیان
.
.
.
مرحوم قدرت اله نادری میانجی
.
.
ای حسین ای کربلا شاهی سلام اولسون سنه
اودلانان ظلمیله درگاهی سلام اولسون سنه
.
.
ای شهید نیزه و خنجر قتیل کربلا
ای چکن امتدن اؤتری عصریده بی حد بلا
عالمین جانی سوسوز اطفالوه قربان اولا
ای حجاز و مکه نین شاهی سلام اولسون سنه
.
.
ای وئرن الله یولوندا قاسم و اکبر فدا
ای اولان عباسنون بیر جوت قولی تندن جدا
اصغرون قربانی اوللوق یا ذبیحاً من قفا
شیعه‌لر پشت و پناهگاهی سلام اولسون سنه
.
.
تیتره دوب اللهین عرشین صوت هل من ناصرون
تلدن زینب دئدی: قربان سنه بو خواهرون
قویدولار یالقوز سنی اولمازدی کیمسه یاورون
ائتمدی بیر کیمسه همراهی سلام اولسون سنه
.
.
عصر عاشورا گونی ای خیمه‌سی تالان اولان
نازپرور قیزلاری غارت گونی ویلان اولان
ئوز باشی نوک جداده زینبی نالان اولان
ای گئد‌ن تالانه خرگاهی سلام اولسون سنه
.
.
هانسی شاهه سایبان اولدی سنون تک جبرئیل؟
ای حسین ای نعشی عریان قانی توپراقه سبیل
سن کیمی کوه مناده هاردا جان وئردی خلیل؟
ای اولان بو عزت جاهی سلام اولسون سنه
.
.
کیم وئروبدور سود اوشاقین اوخلارا سن تک نشان؟
کیم سنین تک تشنه جان وئردی اولوبدور غسلی قان؟
کیم حقیقت عرصه‌سینده وئردی سن تک امتحان؟
نور چشم قدرت اللهی سلام اولسون سنه
.
.
ای اولان قرآن ناطق سرور هر بیر شهید
حق دیوب حق ایستدون حقدن دفاع ائتدون شدید
بیز کی مغروق گناهوق سن بیزه باب امید
مظهر فوق یداللهی سلام اولسون سنه
.
.
«نادری» ثبت ائت حسین فرمایشاتین دفتره
کیمده وار جرئت حسین تک امر قیلسون لشگره؟:
«اگمرم من باش یزیده باشی وئرّ‌م خنجره»
پرچم «نصر من اللهی» سلام اولسون سنه
.
.
#سلام_بر_عاشورائیان
#حسینیه_مدح #حسینیه
#ورود_محرم
#ای_حسین_ای_کربلا_شاهی_سلام_اولسون_سنه
#نادری
#ترکی
.
.
نظر دهید