زبانحال حضرت زینب (س) در قتلگاه
.
.
✍️ #زبدةالاشعار ✍️
.
🆔: @nohe_torki
.
مرحوم غلامعلی باقری الهام ( هوشی تبریری)
.
آچ گوزون کوی وفاده جان ویرن عطشان حسینیم
زینب اولسون بویارالی جانیوه قربان حسینیم
.
.
ای شه ملک امامت وی سریرعشقه سلطان
ای مه برج ولایت وی شهید کوی جانان
ای دوشن قان ایچره یورقون ای وجودی قانه غلطان
هانسی شه اولمش سنون تک قاننه غلطان حسینیم
.
.
زینبم گلدیم یارالی باشون اوسته آغلیام من
جان ویرن ساعتده قارداش گوزلریوی باغلیام من
یوخ الیمده لیک فرصت تا که سینه داغلیام من
دوره می یکسرآلوبدورلشگر عدوان حسینیم
.
.
جورو ظلم اهل کیندن دلده وار بیحد شکایت
نیلیوم یوخ الده فرصت ایلییم بیربیرحکایت
هرجفاوهرستمدن یاندورورآرتوخ بو حسرت
قویموری قوم ستمگرایتماقا افغان حسینیم
.
.
من دیمم قوم جفا جوظلمودن هرگز دویوبدور
سهلدورتپراقلاراوسته جسمیوی بی سر قویوبدور
نه جسارتله اوکهنه کونگون دشمن سویوبدور
قوملاراوستی بستراولموش یاتموسان عریان حسینیم
.
.
اهلکین یوخسا بساط ظلم وکین قارداش قوروبلار
قتلیوه معلوم اولالی صف بصف آخر دوروبلار
جسمیوه ازبس یارالی نیزه وخنجروروبلار
پیکرون ظلمیله اولموش گل کیمی خندان حسینیم
.
.
گورنجه اهل جفایه بوبیاباندا اسیرم
قولاریم باغلی ستمله شمرشومه دستگیرم
قالماقا یوخ بورداامکان گیتما قیمداناگزیرم
صبریمی الدن آلوبدورمحنت هجران حسینیم
.
.
هرقدروارعمرقالّام گرچه من بوحسرتیله
باشون اوسته لیک قارداش گلموشم بونیّتیله
جانویرن ساعتده منده قویمایالقوز رأفتیله
باشیمی گل آل کناره ایشه خوبان حسینیم
.
.
قیزلارون یغدیم خیمده باشیمه ایشاه عطشان
ایلدیم بر پا گچن شب من سنه شام غریبان
بی عوض قویمایارالی لطف ایله گراولسا امکان
صون نفس گل باشیم اوسته جانویروم آسان حسینیم
.
.
آتش اندوهه گرچه دهریده بیرعمر یانّام
هربلا گلسه یولونداباشیمه من سهل سانّام
عالم عشقونده ایله صبرایدوب قارداش دایانّام
ایلرم عشاقی یکسرصبریمه حیران حسینیم
.
.
گرچه تیرحسرتیله سینمی دللم یارالی
غصّه دن عالمده بیرآن سانما دینجللم یارالی
هر دیاره گتسه باشون آردیجا گللم یارالی
ایلرم هر یرده خلقه حقوی اعلان حسینیم
.
.
گراولیدی اختیاری بوبیاباندا قالاردیم
جان کیمی دایم کناره بو گوزل جسمون آلاردیم
دود آهیمله برادر جسموه سایه سالاردیم
نیلیوم قالماقه امّاالده یوخ امکان حسینیم
.
.
زینبم گرچه بتول اطهره ریحانیم من
آشنا ی درد م آخر سانّما که بیگانیم من
سن اگرشمع وفا سن بیر یانان پروانیم من
خوشدی گرعشقونده اولساپرلریم سوزان حسینیم
.
.
سنکیمی بیرگل حسینیم سولمیوب سولمازچمنده
قالموسان بیرحاله حالون قویمیوب آرام منده
نه الین قالموش بلکده نه باشون واردوربدنده
ایلیوب دست عداوت گلشنون تالان حسینیم
.
.
بیرحمید آدلی جوان دوربوگوزل اشعاره بانی
خلق آرا شهرت صدیقی شاه دینون نوحه خوانی
رشتۀتحریره (هوشی)تا که دوزدی بوبیانی
ایسته ویرسون اجراولاره خالق سبحان حسینیم
.
.
#حسینیه_هوشی_تبریزی
#حسینیه_شهادت #قتلگاه #کوچ_کربلا
#آچ_گوزون_کوی_وفاده_جان_ویرن_عطشان_حسینیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید