مدح حضرت علی علیه السلام
#یاعلی
…
…
..
..
حاج اکبر غفاری زنجانی
..
..
..
..
ای فروزان اختر برج امامت یاعلی
ای درخشان گوهر بحر شرافت یاعلی
اوّلین خورشید تابان ولایت یاعلی
هادی انس و ملک ، نور هدایت یاعلی
ای جمیل اوصافی بی حدّ و نهایت یاعلی
..
..
..
..
ای ولیّ الله اعظم، مظهر رب جلیل
رهبر کل خلایق ای امیر بی بدیل
انبیا و اولیاءللهه هر یرده دلیل
مژده دور حقدن بیزه ای رهنمون جبرئیل
حبّون اولموش علت مقبول طاعت یاعلی
..
..
..
..
سن کمال اللهه مظهر، فرد کامل سن آقا
سن نبیل پاک دل، زیبا شمایل سن آ قا
سن ایکی دنیاده حلال مشاکل سن أقا
معنی آیا ت حق بحر فضایل سن آقا
ای کریم لم یزل دن اعظم آ یت یا علی
..
..
..
..
«گرچه ممکن سن اولوب واجب وجودین عالمه»(1)
ای عطای حق، آچولموش خوان جودین عالمه
منشأ خیرات اولوب غیب و شهودین عالمه
اولدی سر مشق هر رکوع و هر سجودین‌عالمه
سائله وقت رکوع قیلدون کرامت یا علی
..
..
..
..
ای وجودی علّت ایجاد جمله کاینات
زادگاهون کعبه ی حق اولدی ای عالی صفات
قتلگاهون مسجد و محراب ای روح صلات
اولمیوبدی بیر کسه بیر بیله مهمانی برات
کیم تاپوبدی کعبه ده سن تک ولادت یاعلی
..
..
..
..
شرح ایده وصفون سنون عاجز قلم ،الکندی دل
مدحتین باشه یتشمز خامه لر یازسا مین ایل
آفتابی ذرّه وصف ایتسه اولار من تک خجل
شأنوه نازل اولوب آیات قرآن متصل
نعتوه یوخدور سنون حدّ و نهایت یا علی
..
..
..
..
حضرت طاها سنه قارداش دیوب، یولداش دیوب
ضربتون خندقده طاعات جهاندان باش دیوب
وار یقنیم شصتوه قربان سنون داغ داش دیوب
کیم کتابون گوردی قرآنه اونی یولداش دیوب
ای همای اوج پرواز بلاغت یا علی
..
..
..
..
جاودانی دینی الحق ذوالفقارون ساخلیوب
دینی ایمنده مسلم اقتدارون ساخلیوب
شیعه نی داغلار کیمی محکم وقارون ساخلیوب
آدیوی دللرده ازبر کردگارون ساخلیوب
حشره تک باغ امامت گورمز آفت یاعلی
..
..
..
..
کشتی دین حقین بحر بلاده لنگری
ای یدالله! فتح قیلدون قدرتیله خیبری
ایلدون غرق مسرّت حضرت پیغمبری
قتله وقتی که یتوردون مرحب خیره سری
طی ایدوب نامردلر راه حقارت یاعلی
..
..
..
..
پیکرون جنگ احدده گوردی دوخسان بیر یارا
حق یولوندا دائم اولدون سن خریدار بلا
ایستدون ایمنده قالسون جان پاک مصطفی
جان بلیّاته سپر سن ایتدون ای خیر الورا
ای بلا گردان خورشید رسالت یاعلی
..
..
..
..
باشنه دوندون رسول اکرمون پروانه تک
جان و دلدن اول عزیز عالمه قیلدون کمک
قالدی حیران همتندن ساکنان نه فلک
یاره ایستردی یخا امّا دوتوردی بیر ملک
سسلنور دی گوئیا جبریل اوساعت یاعلی
..
..
..
..
سن یخلسان تپراقا بی یار پیغمبر قالار
گورسه سنسیز دشمن غدّار اطرافین آلار
سن یخلسان غم اوخی قلب شریفون پارچالار
ابرغم سنسیز پیمبر باشنه سایه سالار
گرچه سندن یاره آلموش تاب و طاقت یاعلی
..
..
..
..
کیم سنی میداندا رویت ایتدی وقت کار زار
مرد جنگی سن فقط فکر ایلدی ای شهسوار
کیم عبادت وقتی گورسیدی سنی ای با وقار
مرد عابددی دیردی بو شه والا تبار
اولمیوب حقّنده هرگز دوز قضاوت یاعلی
..
..
..
..
کیم گورن وقته سنی بیکسلریله همنشین
سن فقط بیر عاطفی انسانسان ایلردی یقین
کیم قضاوت وقتی گورسیدی سنی ای مه جبین
قاضی عادل دیردی خلق ایدوب جان آفرین
ای اولان عالمده مقتول عدالت یا علی
..
..
..
..
یاغدی سندن عالمه علم ای سحاب ناب علم
جانوین عالم فداسی ای در نایاب علم
مصطفی دور شهر علم و سن علی جان باب علم
سن سلونی سویلدون منبر ده ای ارباب علم
اولمادی بیر کیمسه ده امّا لیاقت یاعلی
..
..
..
..
اولمادی سندن بیری رمز مواسات اورگنه
عارف حقون اولا سیر کمالات اورگنه
یا آلا سندن خبر راه سماوات اورگنه
وصل یاره چاتماقا راه ملاقات اورگنه
بیلمدی قدرون سنون نادان جماعت یاعلی
..
..
..
..
عالمی حیران قویوبدی یا علی شخصیّتون
عابدان دهری هم مات ایلیوبدی طاعتون
حضرت معبودیوه اخلاصله عبدیّتون
اولدی مجهول حیف اولا عالمده قدر و قیمتون
شیعه قلبون یاندورار بو داغ محنت یاعلی
..
..
..
..
واردی حقّیم یا علی من آتش غمده یانام
بیر بیله اوصافله افسوس ای والا مقام
سن اورک قانین آقا صرف ایلدون هر صبح و شام
حدّدن آرتوق سنه ظلم ایلدی قوم ظلام
اولمادون عمرونده سن بیر آنی راحت یاعلی
..
..
..
..
صبر ایدوبسن هر غمه ای منبع حلم و علوم
سالدولار بو صبریدن فرصت اله قوم ظلوم
چوخ جسا رتله اولوبدی خانۀ وحیه هجوم
سامری سیرت جماعت قلبلرده قصد شوم
ایستیوبلر حقّدن ناحقه بیعت یاعلی
..
..
..
..
بنزدون بیر شخصه سن مولا امیرمؤمنان
گوزلرینده قم قالا یا حنجرینده استخوان
غم الیندن یرمی بش ایل تاپما دون بیر گون امان
محرم راز اولمادی درد دله ای مهربان
هیچ کیمه یوز ویرمیوب بیر بیله حالت یاعلی
..
..
..
..
دشمنان بی امان ظلمنده طغیان ایلدی
غصه دن قلب احبانی اولار قان ایلدی
عرشیان و فرشیان بوغمده افغان ایلدی
دین و ایمانون ایوین ظلم اهلی ویران ایلدی
دین حق اهلی گوروب اعظم خسارت یاعلی
..
..
..
..
دولدوروبدی یر یوزون فریاد واویلا سسی
بیوه زنلر، بینوالر، عاجز و أعما سسی
صوت غم افزا دمادم وای علی مولا سسی
کوفه شهرین دولدوروبدی شیون و غوغا سسی
اهل اسلامه اولوب گویا قیامت یاعلی
..
..
..
..
یا امیرالمؤمنین ای منبع لطف و کرم
اولدی قرخ بش ایل قاپوزدا بیر محقُر نوکرم
شهرتیم «غفاریدور» محشر غمندن مضطرم
نوکره مولاسی ایلر بذل و بخشش لاجرم
بو گنهکاره ئوزون ایله شفاعت یاعلی
..
..
..
..
(1)از مرحوم صراف تبریزی با مصرع اول « ای جمالی مظهر آیات کبری یاعلی»
..
..
..
..
#حیدریه #غفاری_زنجانی #حیدریه_مدح #ترکی #زبدةالاشعار
نظر دهید