زبدةالاشعار

آنامون دوشونده صود اولمادی علی سو سراقینه دور گئدک #اصغریه_نخستین

زبانحال حضرت رقیه (س) در عطش حضرت علی اصغر (ع)
روز عاشورا
.
✍️ #زبدةالاشعار ✍️
.
🆔: @nohe_torki
.
مرحوم حاج مختار نخستین اردبیلی
.
آنامون دوشونده صود اولمادی
علی سو سراقینه دور گئدک
بیلورم گئدیب سو گتورمگه
عمومون قباقینه دور گئدک
.
.
گؤرورم شقیقه لرون باتوب
یومولوب گؤزون آچا بیلموسن
سنی صید إئدوبدی سوسوزلوقون
طورا دوشموسن قاچا بیلموسن
قانادی سینان قوشا بنذوسن
قانادون سینوب اوچابیلموسن
بیلورم وفالی عموم سنی
آلاجاق قوجاقینه دور گئدک
.
.
على رسمیدور که سولاندا گل
سو وئرر سوسوز گوله باغبان
گوله صدمه یئتسه بهاریده
نه دور علّتی بیله باغبان
گولون اوسته شوقیله بلبلی
گتوره گرک دله باغبان
بئله باغبان حقیفتون
علی جان اطاقینه دور گئدک
.
.
اونا راضی اولماز عموم منیم
ساری گول کیمین سولاق اصغریم
سوئی چولده وحش و طیور ایچه
نجه بیز سوسوز قالاق اصغریم
نچه گوندی گئتمه مشوک قوناق
عموما گئدک قوناق اصغریم
قوناقین همیشه دوتار عزیز
سو وئرر قوناقینه دور گئدک
.
.
آنام آغلیور بیبیم آغلیور
سو خیالینی آتا بیلموسن
عطشون سنون اثر ایلیور
چوبالور ئوره ک یاتا بیلموسن
سنه لایلای دیوب آغلارام
سودی مقصدون چاتا بیلموسن
سوئی قان اولیدی فراتیده
على سو سراقینه دور گئدک
.
.
آنامون ألینده نه چاره وار
دل آچام شکایته چاره یوخ
بابامون کسوب قاباقین قشون
آپارا ولایته چاره یوخ
دگه هر نسیم سحر سنی
چخادا فراغته چاره یوخ
دییرم بو درد و بومحنتی
عمومون قرلاقینه دور گئدک
.
.
على سن سو ایچمه سون ایچمرم
بو چولون سویوندا صفا هانی
سووا توپراقی قاریشوب على
بو فضاده مهر و وفا هانی
سوئی کم هواسی چوخ ایستیدور
یاتا بیلموسن خوش هوا هانی
گنه راه چاره عمومدادی
دوشرم ایاقبنه دور گئدک
.
.
بیلورم که گورمک همان سنی
دیه جک قوجاقیمه گل بالام
سوئی اولماسا بیزه وئرمگه
بیر ایچیم سو قولی گرک آلام
گتوره سو مشگینی تشنه لر
ئوز ألیمله چگنینه من سالام
قوروموش دوداقیمی قویمارام
قوروموش دوداقینه دور گئدک
.
.
هامی خیمه گاهیده تشنه دور
بیلورم که سن بلوسن على
سوسوزوندان آغلیا بیلموسن
سو دینده من گولوسن علی
قوروموش دلیله گؤزون یاشین
لبون اوستن هی سیلوسن على
اوجا سروی واردی بو گلشنین
قوناسان بوداقینه دور گئدک
.
.
بابامون سپاهی ئولوب على
هامی سر سپاهینه گؤز تیکوب
نجه بیز گؤزتلیوروک اونی
اودا که سو راهنه گؤز تیکوب
پوزولان ستاره لر آغلاشور
نیه شمس ماهنه گؤز تیکوب
باتا مه مسیریده بیز یاناق
او مهون فراقینه دور گئدک
.
.
سنه خوردا جامی تاپوم ویروم
سووا نهرون اوسته گئدک على
بیزه چون شهامت اولوبدی ارث
إئله بیر شهامت إئدک على
یا آلاق سوسوزلارا سو وئرک
یا سو اوسته بیزده ئولک على
چخوب العطش سسی گوگلره
یتوب عرش طاقینه دور گئدک
.
.
نولا مجلس اهلی دیه گلون
ره عشقه راه نما گئدور
قوشولاق گئدنلره بیز گئدک
هامی راه کرب و بلا گئدور
دیه لر «نخستینه» گل گئدک
گینه کاروان عزا گئدور
گؤزی یاشلی آه و فغانیله
بیز حسین رواقینه دور گئدک
.
.
.
.
.
#اصغریه_نخستین
#اصغریه_شهادت
#آنامون_دوشونده_صود_اولمادی_علی_سو_سراقینه_دور_گئدک
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  وورما آغاج او لعل در افشانه ای یزید #مجلس_یزید #کریمی_مراغه_ای

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی