ای قلم ایسته مدد فاطمه ی زهرادن #فاطمیه_محمد_محمودی

مدح و مرثیه حضرت فاطمه زهرا سلام الله علیها
.
زبدة الاشعار
.
: @nohe_torki
.
حجة الاسلام والمسلمین محمد محمودی
.
ای قلم ایسته مدد فاطمه ی زهرادن
باشلانا عشق و صفاییله سوزون عنوانی
.
فاطمه آدینی یاز دفتره ئُوپ قُوی گوزوه
ایکی دنیاده اولا چِشمِ دلون نورانی
.
فاطمه نوری بهشتی ائلیوب نور النور
بُهت و حیرتده قویوب مریمیله سارانی
.
بونی تعریف ائلیوب حضرت حق عشقیله
بونون عشقی ائلیوب زنده بلی قرآنی
.
هامی باهم اولا گر آدم الی تا خاتم
گنه تعریف ائده بیلمزله خانم زهرانی
.
اولماسیدی بو خانم خیر کثیر اولمازدی
باورون اولماسا گر، گئت آچ اوخی قرآنی
.
سوره ی کوثر و قدری اوخی هم یاسینی
سوره ی نوری تلاوت ائله هم انسانی
.
اوج تفسیریده بیر باخ مَرَجَ البحرِینَه
دقت اِئت گُور نه یازوب لؤلؤیله مرجانی
.
هاردا مجلس قورولا بو خانمین پاک آدینا
رحمت حق اولاجاقدی او یره ارزانی
.
گی قرا صدقیله،گَل آغلا بو مظلوم ئُولن
نصف شب حالینه آغلاتدی شه مردانی
.
غُسلیدن اَل گُوتوروب قُویدی ئوزون دیواره
آغلادی ، آغلادی ، آغلاتدی اُو دم اسمانی
.
صُورا ئُوز دوتدی اُو اللّرده ئُولن دلداره
سینه وین سُویلدی الآندا کسیلمور قانی؟
.
فاطمه ، ایله دعا بلکه علی ده تئز ئُوله
جزشهادت داخی یوخ گوزیاشیمون درمانی
.
سینه وی میخ در اِئتمیشدی یارالی گینه ده
تازیانیله سنی ویردی غلامِ ثانی
.
سن دالمجا سورونن یرده قولون سینمشدی
یوخسا اَلدن اَله ، دوشمزدی علی دامانی
.
دشمنون سن یخیلاندا گنه ده ویردی سنی
اُوچی ویرماز اَیاق آلتندا قالان جیرانی
.
سن علی حقینه خاطر یارالاندون زهرا
سنه خاطر یارالانسون سینمون ارکانی
.
ای گُل باغ علی سنسیز علی نیلیه جک
نیلیور فاطمه سیز باغ و گُل و ریحانی
.
قاپینین قانی حسین جانی یادیمنان چیخماز
قفس سینه ده اَسراریم ، اولوب زندانی
.
محسنون ئُولدی ولی زینبون ئُولدوردی منی
طاقتیم یوخدی گورم دخترک گریانی
.
لحظه ای دیدم حسن را بدنش لرزان بود
گفتم ای دلبر مادر ؛ تو چرا لرزانی
.
گفت بابا تو نبودی به میان کوچه
مادرم خورد زمین با سر و با پیشانی
.
مادرم همچو قباله، بدنش می لرزید
مثل یک بسمل بی سر شده ی قربانی
.
آناما سیلی دئیندن بدنیم لرزه دَه دی
نیلیوم؛گورموشم اُول صحنه جانفرسانی
.
دئدیم اوغلوم دئمه بو رازی حسین قارداشیوا
قورخورام بیلسه بو دردی چیخا تندن جانی
.
الغرض فاطمه تابوتی چخوب منزلدن
گتوروب تپراقا تاپشیردی علی دریانی
.
دلبرین ائتدی مخاطب صُورا بو دیللرینن
حیدرون منزلنی دوتدی خزان طوفانی
.
مرتضی، فاطمه سندن صورا بیکس قالاجاخ
سالاجاخ یاده گچن گونلری تئز تئز آنی
.
گجه لر مرغ نواخوان اولاجاخ چوللرده
غصه سی یاندیراجاخ طایفه ی عمرانی
.
گجه گیزلینده گرک تربتیوه زائر اولا
گوندوزی مسکن ائده چاهیله نخلستانی
.
ای قلم بسدی داخی یاندی دل خونباریم
کربلایه گذر ایله تاپاسان میدانی
.
اُوردا بیر سید عطشان یخیلوب گوداله
اُوخ دئیوب قانیله رنگیندی لب و دندانی
.
ننه سی قبره دل شبده غریبانه گئدوب
ئُوزونون یرده دی اما بدن عریانی
.
سنه #محمودی نظر ائتدی امام هشتم
قالاجاقدی بو اثر اولسا بو دنیا فانی
.
بار الها سنی وئرم گل طاهایه قَسَم
شَرّ بیگانه دن حفظ اِئت وطنیم ایرانی
.
.
#فاطمیه_مدح
#فاطمیه_شهادت
#ای_قلم_ایسته_مدد_فاطمه_زهرادن
#محمد_محمودی
#ترکی
.
#زبدةالاشعار
.
: @nohe_torki