بدون مهدی ، تمام شب ها به بلندی شب یلداست …
#یلدای_مهدوی #مهدیه_یلدا
#یلدا گجه سی
.
زبدة الاشعار
.
: @nohe_torki
.
موسی حسنی زنجانی
.
ای قلم یاز سوزومی دفتره سودا گیجه سی
تلسور وصله اورک رَبّی الاعلیٰ گیجه سی
.
مرغ روحیم پر آچور اوچماقا ایلور عجله
ایستیور گوگلره معراج ایده اِسرا گیجه سی
.
ذکریم اولموش گینه هرسوزباشی جانانین آدی
میلی وار صحبت ایده شور و تَوّلا گیجه سی
.
شوق دیدارینه گوز یاشیم آخوبدور یوزومه
ساحلی اولمادی هیچ جان و اهدا گیجه سی
.
درد هجران ایلیوب باغریمی قان باشدا دیدیم
صبریمی الدن آلوب گوندوز اولا یا گیجه سی
.
گوزلریم یولدا قالوب منتظرم تا گله سن
ایده سن دردیمه سن چاره مداوا گیجه سی
.
منی مفتون ایلیوب آیریلقون صبح و مسا
شرح هجرانه توان یوخدی تَمَنا گیجه سی
.
گوگلومه وعده دیدار دیدیم جمعه لری
گلمدون اولدی گینه محشر کبریٰ گیجه سی
.
بیرباخیش مَعْطَلِیَم جانیمی نَذر ایلمیشم
سن گلن یوللارا قربان اولا اضحیٰ گیجه سی
.
اولساامکان گوروشون عالمه اعلام اِیدَرَم
قورتاروب غصه و غم گلدی تَسَلّیٰ گیجه سی
.
دییَرم حافظه دای آچما منیم فالیمی سن
قویدی دلبر اَلینی باشیمه یلدا گیجه سی
.
گوردی موسیٰ نی یانور آتش هجرانه دیدی
اوزون آمادهٔ دیدار ایله اِحیا گیجه سی
.
#ای_قلم_یاز_سوزومی_دفتره_سودا_گیجه_سی
#موسی_حسنی
#ترکی
.
#زبدةالاشعار
.
: @nohe_torki
نظر دهید