نه زاهدم نه ده جاهد، نه عزوجاهیم وار #جوادیه_محمدی_ناعم

مدح امام جواد (ع)
.
✍️ #زبدةالاشعار ✍️
.
🆔: @nohe_torki
.
کربلایی محمدرضامحمدی( ناعم )
.
.
نه زاهدم نه ده جاهد، نه عزوجاهیم وار
مقام شعروادب ده نه جایگاهیم وار
اگرچه کوله ده داغلاربویی گناهیم وار
ولی اوره کده نه خوف و غم معادیم وار
شه سریرکرم حضرت جوادیم وار
.
.
.
جوادآقامدی اونون عبدم آستانینده
گوزوم اوپادشهین لطف بیکرانینده
مریض عشقه شفا دست پر توانینده
خوشام بو شانیده شاه نکونهادیم وار
شه سریرکرم حضرت جوادیم وار
.
.
.
مقام و مرتبه سی فوق جاه موسادی
جوادین هرنفسی مین دم مسیحادی
کرمده قطره دی حاتم، ولی بو دریادی
یازام ثانسینی نه علم و نه سوادیم وار
شه سریرکرم حضرت جوادیم وار
.
.
.
سیخانداقلبووی جبریله پنجه ی دنیا
دوشنده مشکله نامرده، مرده، یالوارما
یوخاری دوت باشووی سسله ایلمه پروا
دنن نه غم که مریدم گوزل مرادیم وار
شه سریرکرم حضرت جوادیم وار
.
.
.
گوزوم فدا اورضانین ایشیقلی کوکبینه
منه عطاالین عزوجاه ومنصبینه
غلام ایدوبدی جواد الایمه موکبینه
خوشام که دفتراهل وفاده آدیم وار
شه سریرکرم حضرت جوادیم وار
.
.
.
فدااولوم آقامون آسمانی شوکتینه
سیخیلدی”ناعم”نالان سرای رحمتینه
نولاربوجمعیله باهم گیدک زیارتینه
فراق ابن رضادن یانان فوادیم وار
شه سریرکرم حضرت جوادیم وار
.
.
#جوادیه_مدح
#نه_زاهدم_نه_ده_جاهد_نه_عز_و_جاهیم_وار
#محمدی_ناعم
#ترکی
.
✍️ #زبدةالاشعار ✍️
.
🆔: @nohe_torki