ای قیزلارین پناهی ای یادگار حیدر #عباسیه_ملکی_زنجانی

زبانحال امام حسین (ع) دربالین حضرت ابوالفضل (ع)
..
..
..
#سبک_احوالیمیز_یاماندی … 10 سبک
مشابه
..
..
..
حاج مهدی ملکی زنجانی
..
..
..
..
ای قیزلارین پناهی ای یادگار حیدر
آچ گوزلرین برادر یول گوزلوری حرملر
آرخام ائلیم ابوالفضل
سیندی بیلیم ابوالفضل
..
..
..
..

ای قارداشیم بو حالین سالدی منی بلایه
سس خیمگاهه چاتسا قیزلار گلر نوایه
آل علینی اعدا غرق ایلدی عزایه
بی کسلرین امیدی ای دین حقه یاور
آرخام ائلیم ابوالفضل
سیندی بیلیم ابوالفضل
..
..
..
..

عباس نامداریم ای قهرمان برادر
دور یاتما قوملار اوسته یول گورلوری حرملر
ای نور عین حیدر دین خدایه یاور
دور یول سالاق خیامه یول گوزلور آل اطهر
آرخام ائلیم ابوالفضل
سیندی بیلیم ابوالفضل
..
..
..
..

عشق عالمینده قارداش خوش امتحان ویروبسن
دشمن برابرینده قدرت نشان ویروبسن
دین خدا یولوندا عشقیله جان ویروبسن
دنیاده سن تک اولماز ایستگلی بیر برادر
آرخام ائلیم ابوالفضل
سیندی بیلیم ابوالفضل
..
..
..
..

چوخ استقامت ایتدون سو خیمگاهه چاتسون
سو ایچسون اصغر اوغلوم بیر لحظه بلکه یاتسون
آلان گرک سو فکرین دای باشدان اصغرآتسون
دوریول سالاق خیامه آغلور سوسوزدان اصغر
آرخام ائلیم ابوالفضل
سیندی بیلیم ابوالفضل
..
..
..
..

قارداش منی بو چولده تک قویما دور ایاقه
بو چولده اهل کوفه رحم ایتمدی قوناقه
یوخ طاقتیم برادر دل یاندران فراقه
قاسمله اکبر اولدی ظلمیله بوردا پرپر
آرخام ائلیم ابوالفضل
سیندی بیلیم ابوالفضل
..
..
..
..

لب تشنه قوملار اوسته یاتما اویان ابوالفضل
ای قارداشون بو چولده یالقوزقویان ابوالفضل
دنیا مصیبتنده جاندان دویان ابوالفضل
دشمن شماتت ایلیور ای قهرمان دلاور
آرخام ائلیم ابوالفضل
سیندی بیلیم ابوالفضل
..
..
..
..

آچ گوزلرین اماندی آی تک بو چولده باتما
گوز یاشیمی برادر قلبیم قانیلا قاتما
یول گوزلور ایندی زینب دور قوملار اوسته یاتما
غمدن صولوبدی گول تک درد و فراقه خواهر
آرخام ائلیم ابوالفضل
سیندی بیلیم ابوالفضل
..
..
..
..

ای قهرمان وزیریم صاحب لوا ابوالفضل
لب تشنه دین یولوندا اولدون فدا ابوالفضل
دین خدایه ویردون الحق صفا ابوالفضل
ای دینینون فداسی دلداده ی پیمبر
آرخام ائلیم ابوالفضل
سیندی بیلیم ابوالفضل
..
..
..
..

مبهوت اولوبدی اعدا قارداش بو ایشلرینده
لب تشنه قانه باتدون قان واردی لبلرینده
گیچدون ایکی قولوندان قانه باتوب سرینده
چوخ استقامت ایتدون آخر یوروب ستملر
آرخام ائلیم ابوالفضل
سیندی بیلیم ابوالفضل
..
..
..
..

ای افتخار زینب ای باوفا برادر
جان ویردون عاشقانه جسمین اولوبدی پرپر
قالدیم بلالی چولده بیر من بیر اوغلوم اصغر
دین اوسته پرپر اولدی یتمیش ایکی هنرور
آرخام ائلیم ابوالفضل
سیندی بیلیم ابوالفضل
..
..
..
..

عرض ایلرم ابوالفضل ای مرتضایه بنزر
آدین اوشاقلیقمدان اولدی دیلیمده ازبر
(( مهدی )) چتین زماندا اوچ ییرده یول گوزتلر
جان اوسته قبر اوینده برپا اولاندا محشر
آرخام ائلیم ابوالفضل
سیندی بیلیم ابوالفضل
..
..
..
..
#عباسیه #ملکی_زنجانی #عباسیه_شهادت #ترکی #زبدةالاشعار