زبدةالاشعار

ای ماه نخلستان بابا باتما آماندی باغریقانم #حیدریه_بهزاد_قاسمی

زبانحال حضرت زینب(س)بر بالین حضرت علی(ع)
.
.
.
#سبک_ای_سو_یرینه_قان_ایچن
مشابه
.
.
بهزاد قاسمی اردبیلی
.
.
ای ماه نخلستان بابا باتما آماندی باغریقانم
آغلاتما غملی زینبی آچ گوز نجه گور ناگرانم
سس وئر منه یوخ طاقتیم سنسیز دوشر باشیم بلایه
دور دردیمه ایله دوا تیترور وجودیم ناتوانم
.
اشکیم رواندی قلبیم تالاندی
ای عالمون پناهی یاتما آماندی
آتما منی سن گوزدن
سنسن بابا سالار زینب
.
.
.
سالما نفسدن آی بابا بو نصف شب آل عبانی
تک قویما زهرایه گوره زهرا بجردن گلستانی
قلبیم داریخدی بیر دانیش دیندیر منی سن آی یارالی
سن بیل حسینون جانی دای آغلاتما بو بختی قَرانی
.
اشکیم رواندی…
.
.
.
محراب عشقونده بابا اولدون سینیق نی تک نوالی
سجاده اوسته باشوین آخدی قانی شبنم مثالی
یوخ طاقتیم سنسیزلیگه آیریلما مندن ئوزگه لر تک
ذکریم اولوب دیلده منیم جان آی یارالی آی یارالی
.
.
.
دل داغلیور اهل حرم بو غمسراده یانه یانه
هرکس سنه بیرگوشه ده لایلای چالور چوخ عاشقانه
ئولدوم دیریلدیم من بابا عمّامه وی یرده گورنده
ای کاش چیخیدی گوزلریم باخمیدیم آلنونداکی قانه
.
.
.
آغلور سنون احوالوه شهرین در و دیواری بابا
عشقین گلستانین پوزوب دنیاده هجران خاری بابا
بسدی بیزه ناز ائتمه دای، ای نازنینیم یورقونوق بیز
دور بیر دانیشدیر باشون اوسته باش آچان قیزلاری بابا
.
.
.
#حیدریه_شهادت
#ای_ماه_نخلستان_بابا_باتما_آماندی_باغریقانم
#ترکی
#زبدةالاشعار #حیدریه #بهزاد_قاسمی

متن پیشنهادی:  اذن وئر عصرون امامی ایلسون یا رب ظهور #مهدیه_کاتب_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی