زبدةالاشعار

ای مایۀ اجلال و شرف خطّۀ طوسه #رضویه_حزین_خسروشاهی

یا ثامن الائمه
.
✍️ زبدة الاشعار ✍️

?: @nohe_torki
.
مرحوم حاج حیدر خسروشاهی ( حزین )
.
ای مایۀ اجلال و شرف خطّۀ طوسه
نور رُخیله شُهره اولان شمس شموسه

.
ای سِلم و رضا چرخینه بیر نیّر تابان
ای شاه خراسان اولا جانلار سنه قربان

.
سن مظهر اوصاف خدای ازلی سن
سن مظهر اجلال نبی خلقه ولی سن
سن آینۀ صولت و همنام علی سن
عصمتده آنان فاطمه دن ارث آپاروبسان
حلموندی حسندن سنون ای خسرو خوبان

.
ای کرب و بلا شاهینه مرآت شجاعت
وی سیّد سجاده عبادتده کنایت
وی باقر علم نبوی علمنه آیت
ای صدق و صفاده خلف حضرت صادق
سنسن حق، آتان کاظم و آگاه حقایق

.
سن نور خدا بدر دُجا شمس هُدی سن
سن صورت دین معنی تسلیم و رضاسن
سن غوث ضعیفان و غریب الغرباسن
درگاه جلالوندی سنون باب الهی
ای شیعه لرین حشرده ملجا و پناهی

متن پیشنهادی:  ای گل بدنی مخزن اولان خاره یارالی #کوچ_کربلا #حسنی_تبریزی

.
ای نور جمالیندان آلان شمس و قمر نور
شرمنده اولار گلسه خراسانه اگر هور
حکمونده قضا محو و قدر امریوه مأمور
غبطه ائدر ایوانیوه عرش الله اعظم
تعظیم مقامونده اولوب قدّ فلک خم

.
فرش حرمون غبطه گهِ عرش علادی
خاک قدمون دیدۀ احبابه ضیادی
باب کرمون ملجاءِ هر شاه و گدادی
فردوس برین رتبه ده درگاهیوه یتمز
هر کیم گله امّیدیله نومید قییتمز

.
ایوان جلالونده ایا حجّت یزدان
اولسون “ارنی” گو یری وار موسی عمران
ای صبرده ایّوبی قویان واله و حیران
عیسی نفسوندن اولی دللر اولی زنده
سکّان فلک درگهوی خادم بنده

متن پیشنهادی:  ای کریم اهل بیت مصطفی #حسنیه_علی_تیموری

.
عالم سنون اظهار وجودونله عَدَمدی
اذن اولسا حُدوثون دِیَرم عین قِدَمدی
بو دور زمان مدحتوی یازماقا کمدی
مدحون سنون ای حجّت حق فرض اولا دریا
توصیف خلائق اولا بیر قطره سی حاشا

.
واردور یری خاک درون ای ضامن آهو
هر صبح ملائک ائده مژگانیله جاور
ای باغ امامتده آچیلمیش گل خوشبو
عطروندی دوتان عالم معناده جهانی
حسرتده قویان قلب گل باغ جنانی

.
#گریز #رضویه_شهادت
.
بو شأن و جلالیله ولی ای شه خوبان
دنیاده سنون بولمدیلر قدریوی دونان
بِل باغلادیلار غربت آرا قتلیوه عدوان
زهریکه ویروبلر سنه قلبون یارالاندی
زهرا آناوین قلبی همان زهرله یاندی

متن پیشنهادی:  رقیه جان یولانوب گیدیر کاروان خداحافظ #کوچ_شام #علیرضا_عباسی

.
مأمون جفا پیشه ایا حجّت ذوالمن
جبرا آرالی سالدی ائلوندن وطنوندن
ائتدی نَقَدر جور و جفا صبر ائلدون سن
آخرده ویروب زهر جفا طاقتون آلدی
اود شیعه لرین قلبینه بو ظلمیله سالدی

.
جان و دلون اود دوتدی او زهرین اثرینده
یاندی اورگون نار مصیبت شررینده
جان اوسته جوان اوغلوی گورماق نظرینده
سینونده الون یرده یوزون یوللارا باخدون
یاندیردون او باخماقدان دل عالمی یاخدون

.
ای پایۀ شأن و شرفی فوق تصوّر
هرکیمسه ائده عزّت و جاهوندا تفکّر
آرتیرماز اونا فکر ائلماق غیر تحیّر
ما فوق تصوّردی،تفکردی جلالون
شاملدی« #حزین»قلب لره جود و نوالون

.
#رضویه_مدح
#ای_مایه_اجلال_و_شرف_خطه_طوسه
#حزین_خسروشاهی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی