زبدةالاشعار

ای مست جام عالم قالو بلی اوغول #تنورخولی_محمد_هوشمند

تنور خولی
زبانحال حضرت زهرا (س)
.
✍️ زبدة الاشعار ✍️
?: @nohe_torki
.
محمد هوشمند
.
ای مست جام عالم قالو بلی اوغول
مطبخ سرا هارا یارالی باش هارا اوغول
.
سیر الی اللهینده مبارکدی منزلین
خلوت سرای عشقین اولوب غمفزا اوغول
.
سودای وصل یار دوشه هانسی بیر باشا
گلمز باشا باشیندا اولان ماجرا اوغول
.
جام بلایه مشتری سن شوق و ذوقیله
بیر کیمسه ائتمییوب بیله بیع و شرا اوغول
.
عالم فدا بو همت و ایثاریوه سنون
جانان یولوندا جانیوی ائتدین فدا اوغول
.
گلدی آنان عیادته آچ قان دولان گوزون
باغریم دونوبدی قانه اویان با وفا اوغول
.
گلم دالینجا هر یئره گئتسون دوزنمرم
تاب ائله مز بالا غمینه هیچ آنا اوغول
.
ناز ائیلمه که منده داخی قالمییب توان
اولما رضا بو قدری ائده م آه وا اوغول
.
گل سینمه چوخ اینجیمسن چوخ یورولموسان
از بس وروبلا یاره سنه اشقیا اوغول
.
خولی گتیردی باشیوی قویدی کول اوستونه
کول اولدی عالمین باشینا برملا اوغول
.
دوتدی هوای نفس گوزون حقی گورمه دی
گوردی سنه بو محنت و ظلمی روا اوغول
.
بیر باش که طوف ائدر باشینا عرش و فرشیان
گور هاردا یئر وئریب دیله قوم دغا اوغول
.
تک گلموسن ندن هانی بس لشگرون سنین
سرلشگرون هایاندادی دوتسون لوا اوغول
.
گوردوم وفالی قارداشیوین سعی و همتین
سو اوسته اولدی قولاری تندن جدا اوغول
.
یاندیم علی اکبر و قاسم غمینده چوخ
اصغر غمینده من سنی ائتدیم دعا اوغول
.
کسدی او دم کی باشیوی شمر لعین سنین
دوشدی بلایه عترت خیرالورا اوغول
.
سندن صورا خیامی قشون غارت ائتدیلر
عرشه اوجالدی خیمه دن آه و نوا اوغول
.
قورخوشدی قیزلارین نگران قاچدی چوللره
تا ائیلسین له جانلارین اوددان رها اوغول
.
هم سویدولا بالالاری هم دوگدولر او دم
اولدی اسیر عترت آلعبا اوغول
.
آتلارایاقی آلتدا قالیب نازدانه لر
سولدوردی بیر نچه گولی اهل جفا اوغول
.
سندنصورا آچیلدی فراتین یولی ولی
هر کیم سو ایچدی اولدی غمه مبتلا اوغول
.
باشون بلاسی درد و غمه سالدی عالمی
گتدی نوایه اهل دلی نینوا اوغول
.
گرچه کول اوسته یاتماقیوی بیلمیری باجون
گرداب غمده غرقیدی اول ناخدا اوغول
.
یانمیش چادیردا زینبی گوردوم گلنده من
قورموشدی خیمه گاهیده بزم عزا اوغول
.
نصفی یانان چادیردا طبیبانه زینبین
آچمیشدی اهلبیتیوه دارالشفا اوغول
.
نازین چکوب بالالاروین مهربان باجون
بیر کس یوخیدی ائیلییه درده دوا اوغول
.
بیکس رباب هیچ کیمه دردین دینمدی
گیزلین شراره یاندی اوغولسوز آنا اوغول
.
دوشدی یولوم گلنده منیم قتلگاهیدن
یاندیم شرار غملریله هکذا اوغول
.
توپراقلار اوسته قانه بلنمیش جنازه لر
ائتمیشدیلر او یئرده سنه اقتدا اوغول
.
گودال قتلگاهیدن آلدیم سراغیوی
گوردوم وروبلا جسمیوه سایسیز یارا اوغول
.
گلمیشدی نعشون اوسته بابان ختم الانبیا
هم قارداشین حسن هم آتان مرتضی اوغول
.
نازلی قیزین شیرین دیلیله نوحه باشلادی
وئردی او غملی انجمنه بیر صفا اوغول
.
یاندیردی داغلی سینه میزی لیک ساربان
اول دم که گلدی غارته اول بی حیا اوغول
.
بیر ال کی ال دوتاردی اونی کسدی ظلمیله
گلدی فغان و نالیه ارض و سما اوغول
.
گوردوم اوغول او منظره نی یاندیم اغلادیم
یاخدیم او قانی زلفیمه ائتدیم حنا اوغول
.
گلمز تمامه مصحف غم هرنه شرح ائده م
سن حالیوی بیان ائله ای مه لقا اوغول
.
#مدهوش یازدی شام غریبان بو مطلبی
هر کلمه سینده ائتدی سنه التجا اوغول
.

متن پیشنهادی:  بو گیجه ای شیعه دلدن خانۀ زهرایه باخ #فاطمیه_شانی_تبریزی

#تنور_خولی
#ای_مست_جام_عالم_قالوا_بلی_اوغول
#مهمد_هوشمند #مدهوش
#ترکی
.
✍️ #زبدةالاشعار ✍️
?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی