ای مسلمانان عالم ایلیون شادی دمادم #زینبیه_ساعد_زنجانی

میلاد حضرت زینب علیهاالسلام
.
.
#سبک_دایه_دایه (اجرای بند سوم)
.
.
مرتضی اسکندری(ساعد) زنجانی
.
.
.
ای مسلمانان عالم
ایلیون شادی دمادم
گوزلرین آچدی جهانه
زینت دامان خاتم
.
آلدی آغوشه یوزون اوپدی اونون طاها
سسلندی جان بابا
آدینی قویدی اوطفلین زینب کبری
سسلندی جان بابا
.
ای منیم روح و روانیم
زینبیم آرام جانیم
آسمان عشقیده ، تابنده کوکب سن
حقا که زینب سن
.
.
.
.
.
سن قیزیم روحه روانسان
زینت باغ جنانسان
صبح محشرده عزیزیم
آبروی شیعیانسان
.
مریم و سارادن افضل سن گل نازیم
ای بال پروازیم
سن سن عالمده منیم همدردو هم رازیم
هم سوز و هم سازیم
.
زینت آل عباسن
قهرمان کربلاسن
حافظ گنجینه ی قرآن و مذهب سن
حقا که زینب سن
.
.
.
.
.
مرتضی دوردی ایاقه
آلدی قنداقین قوجاقه
گوزلروندن اوپدی قویدی
لبلرین غنچه دوداقه
.
کربلا سلطانینه دوتدی یوزون حیدر
داماد پیغمبر
سسله دی گل یاحسین ای شافع محشر
گلدی سنه یاور
.
کربلانون شاهی گلدی
سویله دی گورنه گوزلدی
گوزلرون اوپدی دیدی ، محبوبه ی رب سن
حقا که زینب سن
.
.
.
.
.