زبدةالاشعار

ای ملک طوس دل نجه ائتسون ثنا سنی #رضویه_شاکر_تبریزی

در وصف مشهدالرّضا
#گریز به #قتلگاه
.
✍️ زبدة الاشعار ✍️

?: @nohe_torki
.
مرحوم شاکر تبریزی
.
ای ملک طوس دل نجه ائتسون ثنا سنی
جائیکه مدفن ایلوب امام رضا سنی
.
عرشی که سنده وار یاتوب آلتندا شهریار
تعریف ائدلَّه گویده سهیل و سها سنی
.
شبهای جمعه سنده یاتان شاهه خاطره
مسکن ائدر ائمّۀ پاک هدی سنی
.
چونکه معطّر اولموسان عطر رضائیله
ایلوب احاطه گور نجه آب و هوا سنی
.
با اینکه شرح و وصفدن آرتقدی شوکتون
تحت الشّعایه لیک سالوب کربلا سنی
.
ای کربلا نقدردی شأنون که ذرّه سی
طوفان نوحه ایلدی منجی خدا سنی
.
شش گوشه قبر هاردادی سندن صورا گئداخ
بو امتیاز بیر تاپوب ای نینوا سنی
.
بو افتخار بس سنه تارخ حشره تک
کانون حق یازوب و یازار ابتدا سنی
.
چون سن حسینی آلموسان آغوش پاکیوه
ایلوب عزیز فاطمه چوخ پربها سنی
.
جاروب کش ملائکه لر آستانوه
الله ائدوب مرض لره خاک شفا سنی
.
بالای سرده شاه شهیدان مزار ائدوب
پائین پاده اکبر سیمین لقا سنی
.
امّا بو وضعلن بولوسن ای بلالی یر
زینب نه چکدی سنده، دئدی دائماً سنی
.
فریاد او دم حسینی تاپوب قتلگاهده
سسلندی آختاروردی باجون ای اخا سنی
.
آیا دوشن یوز اوسته بو سن سن حسین من
یا اینکه اشتباه ائدورم خسروا سنی
.
بی نور اولیدی کاش باجون زینبون گوزی
تا اینکه گورمییدی بیله غم فزا سنی
.
ئولدوردولر سنی دئمرم رسم جنگدور
ئولسون باجون کیم ائتدی قطیعُ الیَدا سنی
.
بیر کهنه پیرهن ندی تاراج ائدوبدولر
مظلوم ائدوب نقدر سپاه جفا سنی
.
یاخشی بو حالیله منی سن گورمدون حسین
گوردی ولیک زینب درد آشنا سنی
.
بو نسگل ئولدورر منی کفّار دفن اولا
امّا ائدنمدیم من اخا جابجا سنی
.
نیلوم الیمده یوخدی نه فرصت نه قدرتیم
دشمنده جبراً ایلوری مندن جدا سنی
.
چارم بودور آغر سفر اوستونده لاعلاج
الله واگذار ایلیم من شها سنی
.
«شاکر» حسینه گوز یاشی توک وار نقدر عمر
بیر گون چکر نجاته بو آه و نوا سنی

.
#رضویه_مدح
#ای_ملک_طوس_دل_نجه_ائتسون_ثنا_سنی
#شاکر_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...