ای منای عشقده قربان عشق #راه_شام_فرقانی_محبی

راه شام
زبانحال مادر حضرت علی اکبر (ع)
..
..
..
..
مرحوم محبّی فرقانی
..
..
..
..
ای منای عشقده قربان عشق
ایلدون ئوز عشقوی اعلان عشق
..
..
..
..
مرحبا ای عاشق یکتا اوغول
عشقوه قربان آنان لیلا اوغول
ای رموز عشقه تک دارا اوغول
ای بلادِ عشقده سلطان عشق
..
..
..
..
عشق ئوزى بو عشقوه حیرانیدی
وادى حیرتده سرگردانیدی
عشق ئوزی بو عشقوین قربانیدی
قدسیان دور عشقوه حیران عشق
..
..
..
..
سن سن ای پیر طریقت زاده سی
کوی عشقین عاشق آزاده سی
عشق اولوب چون عشقوین دلداده سی
عشق ایدر آیا نجه کتمان عشق
..
..
..
..
گرچه لیلایم على مجنونوام
من بو سوداده سنون مغبونوام
تا وارام شاد اولمارام محزونوام
سن کیمی قربانه جان قربان عشق
..
..
..
..
گر چه لیلایم علی اکبر ئوزوم
هانسی مجنون دا اولار بیله دوزوم
رشتۀ زلفوندی زنجیریم گوزوم
سلسله نیلر گرفتاران عشق
..
..
..
..
عشق لفظینده مترجم سن منه
بیر نفر یوخ تاپشورا بو دشمنه
وورماسون زنجیر لیلایه گنه
عاشقین زنجیریدور عنوان عشق
..
..
..
..
صفحۀ رویوندی عشقین مکتبی
هر باخان تفسیر ایدر بو مطلبی
چون برازنده بولوب بو منصبی
ایلیوب اعطا سنه جانان عشق
..
..
..
..
نیزه دن باخ بیر اوغول احوالیمه
حالیمه بیرده بو اشگ آلیمه
چکدی خط کلک قضا آمالیمه
یتمه موش باشه على دوران عشق
..
..
..
..
روحیمی دشمن آلوب داره ووروب
روحیمی داره دله یاره ووروب
اوخشادوب لیلانی تاتاره، ووروب
اینجیمز عشق اوسته جانبازان عشق
..
..
..
..
اینجیدوب ئولدورمه سه مأمور اوغول
گولَّم اولسا یول نقدری دور اوغول
دلدن اصلا اولمارام رنجور اوغول
رنج و محنتدور اولان شایان عشق
..
..
..
..
بو رموزاتی که الحق سنده دور
اهل عالم تک سنه بیر بنده دور
عشق اودور هر قدر وار شرمنده دور
شرمسار اولمازلا سربازان عشق
..
..
..
..
عالمی عشقون ایله مَجذوب ایدوب
عشقوی هر طالبه مطلوب ایدوب
لیک بو صبریم ایوین مخروب ایدوب
ملک دل اولماز بیله ویران عشق
..
..
..
..
دشمنون بو سرّى بولمور یا بولور
عاشق ئوز معشوقینی گورسه ئولور
آغلامور زنجیره هی اشگین الور
اشگدور یا ناله دور میزان عشق
..
..
..
..
راضیم دشمن وورا چوخ اینجیده
هر قدر جور و جفا ایستور ایده
دورمیه اما کناریمده گیده
بزم خلوت ایستر اربابان عشق
..
..
..
..
نیلیوم توأمدى وصلیله فراق
بو وصالیله ولی طاق اولدی طاق
بیر جدادن چوخ دگول منزل اوزاق
گوز گورور اَل یتموری ای جان عشق
..
..
..
..
ابر زلفون مَه یوزه مُظلَم دوشوب
وصل و هجرانون ولی توأم دوشوب
عشق لیلاده اودور مبهم دوشوب
دشمنیم بولمز ندور برهان عشق
..
..
..
..
جانیمی قویدوم یولوندا ذوقیلن
قامتون ایتدیم رسا مین شوقیلن
بولمدم بو حسرت مافوقیلَن
بو فلک ایلر بیله سوزان عشق
..
..
..
..
بو «محبّى» عاشق مستانه دور
سندن اُؤتری روز و شب دیوانه دور
قبریوی ایستر دیر دنیا ندور
هر مجالسده قورار دیوان عشق
..
..
..
#راه_شام #فرقانی_محبی #ترکی #اکبریه_شهادت #ترکی