خروج از مدینه
زبانحال فاطمه صغرا(س)به علی اکبر(ع)
.
#زبدةالاشعار
.
: @nohe_torki
.
#سبک_زینبم_جان_اوستیم …4 سبک
پخش‌کننده صوت
.
مرحوم #عاصی_تبریزی
.
.
ای منیم آرام جانیم گل علی خوشگلمیسن
طاقتیم روح و روانیم گل علی خوشگلمیسن
.
لطف ائتمیسن قارداش منه
قربان باجون صغرا سنه
.
.
درد هجره جانیمی بیر عمریدور توش ائتمیسن
مندن آخر سلب تاب و طاقت و هوش ائتمیسن
من دیردیم بس باجون دلدن فراموش ائتمیسن
نه خطا گئتمیش گمانیم گل علی خوشگلمیسن
.
.
بیر اوزون مدت چکردیم وصلوه من انتظار
روز و شب نی تک سیزیلداردیم ائدردیم آه و زار
انتظاریم تاپدی پایان بختیم اولدی سازگار
باشه یتدی غم زمانیم گل علی خوشگلمیسن
.
.
یالقوز ایولرده اوزوم غم بسترنده دردمند
درد الیندن نی کیمی جسمیم سیزیلدار بندبند
آتش محنتده قارداش یانموشام مثل سپند
فالميوب تاب و توانیم گل علی خوشگلمیسن
.
.
غم اگوبدور قدیمی ای مظهر قل انما
محض تشریحم وجودیمدن قالوبدور بیرنما
گر باشم اوسته سنون تشریفون اولسا دائما
راست اولور قد کمانیم گل علی خوشگلمیسن
.
.
بسکه اولموشدوم علی اوز طالعمدن ناامید
فکريمه گلمزدی هرگز نه بو ساعت نه بو دید
طایر اقبال بال آچدی عجب اولدوم سعد
تاپدی صحت جسم و جانیم گل علی خوشگلمیسن
.
.
ظاهرا بو گلماقوندان گرچه خورسندم ولی
باطنا آثار هجران گورسنور قارداش علی
وار همین بو نکته دن قلبیمده بیر اود مشعلی
عرشه چخميش الأمانیم گل علی خوشگلمیسن
.
.
گیموسن رخت سفر بو قد موزونه نَدَن
یوخسا سنده ائیلوسن قارداش علی ترک وطن
سنده گئتسن نیلیوم تک ایوده ای سیمین بدن
بوخ داخی بیر مهربانیم گل علی خوشگلمیسن
.
.
سن بولورسن یوخ آنام، من بير قيزام زار و علیل
یالقوزام قلبیم سنقدور هم یتيمم بی کفیل
وار سنیله عزتیم گئتسن اگر اولام ذلیل
بیرده قالماز عز و شأنیم گل علی خوشگلمیسن
.
.
شام اولور سندنصورا هر چند قارداش گوندوزوم
گتماقا وار اختیارون یوخدی بیر کلمه سوزوم
سهلدور صبح و مسایولدا قالار حسرت گوزوم
دمبدم آرتار فغانیم گل علی خوشگلمیسن
.
.
گئتميوب قارداش هله دلدن آناسیزلیق غمی
بو غمون سندن ایراق واردور بیر اوزگه عالمی
محنت هجرون چکوم یا من بو درد مدغمی
باشووه گل بیر دولانیم گل علی خوشگلمیسن
.
.
بو آناسيزلق غمی دلدن توان و تاب آلوب
جان وئرنجه خوش گونه، بوللم گوزوم حسرت قالوب
ایل قبیله باجی قارداش عمّه ده گوزون سالوب
ماهر و تازه جوانیم گل علی خوشگلمیسن
.
.
بومریضه دردینه گر ایسته سن عاصی دوا
دامن صغراني دوت صدقیله ایسته آل شفا
مطلعی ورد زبان ائت قیل گئجه گوندوز نوا
ای منیم آرام جانیم گل علی خوشگلمیسن
.
.
#ای_منیم_آرام_جانیم_گل_علی_خوشگلمیسن
#ترکی
.
#زبدةالاشعار
.
: @nohe_torki
نظر دهید