ای نیزه ده قرآن اوخیان باش سنه قربان #کوفه_میرزاحسین_عصری

ورود به کوفه
زبانحال حضرت زینب (س)
و مجلس ابن زیاد علیه اللعنة
.
#زبدةالاشعار
.
: @nohe_torki
.
میرزا حسین عصری
.
ای نیزه ده قرآن اوخیان باش سنه قربان
قرآن سسون اولدی منه یولداش سنه قربان
.
.
نوری یوزوین شمس ضحی دن آلوری باج
قان لخته سینی اوز باشیوا ایلمیسن تاج
یا نیزه باشیندا ائدوسن گویلره معراج
بو شهری جمالون ایشیقی طور ائلیویدور
من بی کسی موسی کیمی پر شور ائلیویدور
.
.
عیسی کیمی بو قوم چکوبلر سنی داره
قانلو دوداقون راز و نیاز ایلوری یاره
هر دم دونوسن زینبه ایلورسن اشاره
بیر باخماقینان قلبیمون آرامین آلورسان
بو خسته اولان روحیمی آردونجه سالورسان
.
.
سن گوهر رخشنده ی گنج ازلیسن
بو جلوه ده مرآت حق لم یزلی سن
سن یوخسا بو حالتده حسین ابن علی سن
زهرا آنامون سینه سی اوستینده یاتانسان
دین اوسته هامی ماملكون گوزدن آتانسان
.
.
ایوای تانیدیم باشیوی قارداش یاراسیندان
اوز باغلادیقیم پارچالانان باش یاراسیندان
آغزوندا اوخ آلنوندا اولان داش یاراسیندان
هجرانیله آرام و توان دلدن آلوبسان
علت ندى قانلو یوزوه پرده سالوبسان
.
.
اون دورت گئجه لیق آی کیمی پابند وقوفه
سالمیش یوزوی هایل اولان پرده خسوفه
یا پرده دگیل ابر کیمی لشکر کوفه
بی کس باجوین قانه دونن قلبین اویوبلار
مطبخده تنور ایچره کول اوستینده قویوبلار
.
.
بو بس دگی قارداش سنی بیزدن آییروبلار
آل اللهی عریان دوه اوستینده یوروبلار
سجادی قاچان قول کیمی زنجیره ووروبلار
بولمزله که یوخ طاقتی بندی آچا بولمز
ئولموب نقدر عمّه سی زینب قاچا بولمز
.
.
روحیم آزالوب آیریلا بو خسته بدندن
ئولّم یارالی باشون اگر آیریلا مندن
گلدوقجه سسون تاب آلورام قلبیمه سندن
الطاف صمیمانه و شایانوی کسمه
قربان سسیوه نغمه ی قرآنوی کسمه
.
.
دل طاقتینه صرصر بیداد اسیلدی
سالدی اشاقا باشینی گوز یاشینی سیلدی
گوردی داخی قرآن اوخوماخ صوتی کسیلدی
اولدی متوجه او زمان زینب نالان
قارداش باشینا تازه دگوب یاره آخور قان
.
.
آرامی گئدوب قالمادی طاقت داخی رازه
دوندردی یوزین قبله گه راز و نیازه
بیر آه چکوب اوز باشینی چالدی جهازه
قارداشی حسین تک خانمین باش یارالاندی
قانه بویانان زلفی گینه قانه بویاندی
.
.
عرض ائتدی حسین وئرگیله قرآن سسیوه طول
شهر اهلینی ایله اوزوین باشیوه مشغول
تا باخمیا آل اللهه بو فرقه ی مخذول
آخر بو سینق قافله ده تازه گلین وار
بیزلرده تماشا نظری هر گلنین وار
.
.
نه صورتوین دوره سینه کول سالا هاله
نه زینب مظلومه قالیدی بئله حاله
باور ائلمزدی اولا گلمزدی خیاله
زهرا قیزی اجلالیله ترک وطن ائتسون
قول باغلى گلوب مجلس نامحرمه گئتسون
.
.
///مجلس ابن زیاد علیه اللعنة///
.
القصّه على قیزلاری بازاری دولاندی
پروانه صفت ظلم اودینا پرلری یاندی
شه نیزه ده محملده ده زینب یارالاندى
اما باشینین محنتی یتموبدی تمامه
قول باغلو چکوبلر هاموسین مجلس عامه
.
.
قورموشدی زیادین بالاسى مجلس عشرت
دولمیشدی همان مجلسه بی شرم جماعت
آلمیشدیلا دور و بری دیللرده شماتت
قمچی دئمورم وردیلا اول فرقه ی باطل
آل اللهی تا ایلدیلر داخل محفل
.
.
بولمم اسرا دوردی او بزمین هاراسیندان
زینب گورونوردی اسرانین آراسیندان
قانی توکولوردی یوزه محمل یاراسیندان
بیر گوشه ده تا دالدالانوب زینب بی یار
اطرافینه صف چکدیله دلخسته خانملار
.
.
باش یاره لی جان یاره لی قول باغلی بیر عورت
مجلس دولوسی بزمیده بیگانه جماعت
بو صبر بو قدرت بو تكبّر بو جسارت
زهرا ائوون آباد اولا بیر بیله قیزون وار
سیز معدن عصمت بو شجاعت ها موزون وار
.
.
زهرا قیزینون قدرتینه سسلر اوجالدی
مجلس ده اولان کیمسه لری حیرته سالدى
ناگاه زیاد اوغلی دوتوب یوز خبر آلدى
کیمدور بو تکبرده اوزین گیزلدن عورت
حاشا که اسیر عورتون اولسون بو جسارت
.
.
#کوفه_میرزاحسین_عصری
#مجلس_ابن_زیاد
#ای_نیزه_ده_قرآن_اوخیان_باش_سنه_قربان
#ترکی
.
#زبدةالاشعار
.
: @nohe_torki