مدح حضرت علی (ع)
.
✍️ زبدة الاشعار ✍️
?: @nohe_torki
.
ابراهیم قبله آرباطان
.
ای وجودی جلوه ی انوار حیّ کردگار
وی جلالی ماورای فکرت آموزگار
شیرمرد کارزار و درّ ناب شاهوار
هی گلور اذهانه بو جمله ولی بی اختیار
لا فتی الا علی لا سیف الا ذوالفقار
.
.
باب علم مصطفاسن، ای آدی نهج الهدی
سن قسیم النار و الجنت سن ای شمس الورا
تاجدار اوصیاسن، نامدار اولیا
وصفووه لایق دگور بوندان سورا، آیری شعار
لا فتی الا علی لا سیف الا ذوالفقار
.
.
شاه مردان، ایلیای خالق رحمان علی
عقل ناقص، عرصه هی مدحینده سرگردان علی
وصفیوه بیلمور نه یازسین شاعر حیران علی
چون سنی تعریف ادیبدور حضرت پروردگار
لا فتی الا علی لا سیف الا ذوالفقار
.
.
هل اتی مصداقی سن ای فارِسِ بدر و حنین
ای کرامت معدنی، ای عرشیانه نور عیبن
خلق اولوبدور سیزلره خاطر علی جان، عالمین
سسلیوردی گویده جبریل امین با اقتدار
لا فتی الا علی لا سیف الا ذوالفقار
.
.
عالم و آدم دییر هرلحظه هر دم یا علی
عشق ادیر انسان دیینده جان عالم یا علی
باصفا آدون گلنده دفع اولار غم یا علی
«آرباطان» دا سسلیور بو جمله نی با افتخار
لا فتی الا علی لا سیف الا ذوالفقار
.
.
#حیدریه_مدح
#ای_وجودی_جلوه_انوار_حی_کردگار
#ابراهیم_قبله
#ترکی
.
✍️ #زبدةالاشعار ✍️
?: @nohe_torki
نظر دهید