مدح حضرت امیرالمومنین علیه السلام
.
✍️ زبدة الاشعار ✍️
?: @nohe_torki
.
حاج شفیع تفاخری
.
یازام مقام علیدن قلمده یوخدی توانا
دییم جلال علیدن دیلیمده قالمادی یارا
.
لیاقت ایستوری کیم وصف ائده ولیّ خدانی
دوشوندوگوم قدری ایلورم بو سوزلری انشا
.
علیدی خلقته باعث علیدی افضل خلقت
علیدی گویلره زیور،علیدی جنت الاعلا
.
علیدی روح عبادت علیدی جان اطاعت
عبادت اولسا علی سیز جهاندا ردّیدور اصلا
.
ولایت اولماسا کیمده اونون اطاعتی یوخدور
قالا اطاعت عبادت هارا گئدوب چخار آیا؟
.
ولایتیله اطاعت وئرور عبادته زینت
ایکیسی اولماسا بیر یرده،نینیور حق یکتا
.
علی که ببت خداده قدم قویوبدی جهانه
دئسوک سزادی گوزل ماجراسینه بئله معنا
.
ایکیسی بیر ایپه باهم گچوب ولایت و توحید
قیریلسا هر بیری قالماز او بیرسی یرده دی گویا
.
گلوردی مریمه هرگون هدیه حق طرفیندن
او وقت اولوبدوکی گلسون جهانه حضرت عیسی
.
خطاب اولوبدوکی یامریم،ائتمه بوردا توقف
بورا محل عبادتدی قیلما آیری تمنا
.
همین خطابیله بیت المقدسین قاپوسیندان
چخوب بیر آیری مکاندا تولد اولدی مسیحا
.
کناریدیدی علینون آناسی بیته چاغوردی
خطاب اولوندی که یافاطمه گل ائتمه مهابا
.
گرک ائویمده گله حجتیم منیم بو جهانه
گرک قدومیلن اؤ آرتیرا بو بیته شکیبا
.
علینی اوچ گجه گوندوز ائوینده ساخلادی سبحان
آدیندا لوحه یازوب گوندروبدی ربّی الاعلا
.
علی بو رتبهٔ تکمیلیده خدا کیمی تک دور
بو رتبه اولمادی قسمت رسول اکرمه حتی
.
#حیدریه_مدح
#یازام_مقام_علیدن_قلمده_یوخدی_توانا
#تفاخری_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید