حالات حضرت صدیقه کبری،بتول عذراء، فاطمه زهرا (س)
.
.
.
مرحومین ذهنی زاده و سعدی زمان
.
ای وجودی عالمه مفخر خانم یا فاطمه
ای یگانه دخت پیغمبر خانم یا فاطمه
.
.
ای جلال وعزّت و شوکتده بی مثل و بدیل
ای مقام قربده محبوبه ربّ جلیل
ای وجودی هستی خلاّقه برهان و دلیل
ای آدی صدّیقۀ اطهر خانم یا فاطمه
.
.
ای وجودِ اقدسی مرآت خلّاق علیم
ای اولان دارای جاه و شوکت و شأن عظیم
درک ایده بولمز مقامین صاحب عقل سلیم
ای شفیع بانوی محشر خانم یا فاطمه
.
.
ای سپهر عفّت و ناموسیده مهر منیر
ای فروغ عارضوندن ماه گردون مُستنیر
ای اولان عصمتده بی همتا حیاده بی نظیر
ای وجودی عفّته زیور خانم یا فاطمه
.
.
ای آتاسی علّت ایجاد کل ما خلق
وی آناسی شرح آیات وفایه ماصَدَق
مریم و ساردان آلمش عفّتون گوی سبق
غبطه ایلر شأنیوه هاجر خانم یا فاطمه
.
.
سن او بانوسن که شأنونده آتان فخرالانام
بضعةٌ منّی بیورموش ای عفیفه لاکلام
بو قزا قربان آتاسی ذکر ایدردی صبح و شام
احترام ایلردی اول سرور خانم یا فاطمه
.
.
سن او بانوسن مقاماتونده بسدور که خدا
سنله مشهور ایلیوب اهل کسانی برملا
عزّتون ممتازیدور ای زینت آل عبا
ای شرف دریاسینه گوهر خانم یا فاطمه
.
.
سن جلالتده خانم ای عصمت پروردگار
گورمیوب گورمز نظیرون بیرده چشم روزگار
سورۀ کوثر گلوب شانونده ای بحر وقار
یعنی سن سن معنی کوثر خانم یا فاطمه
.
.
سن گلستان رسالتده گل پُر عطرسن
باغبانوندور حبیب کردگار ذوالمنن
حیف اولا سولدوردی گل تک عارضون باد محن
گل وجودون اولدی تز پرپر خانم یا فاطمه
.
.
سن کیمی شأن و جلالت صاحبین اهل جفا
بیر فشاره سالدی اولدون مین بلایه مبتلا
مین بلایه برملا سرچشمه اولدی مطلقا
حقّیوی غصب ایتدی ناحقلر خانم یا فاطمه
.
.
کاش او گون که درگهون یاندی، یانیدی ماسوا
کاش او گون حسرت قالیدی سیرینه بو نُه سما
کاش یکسر چولقییدی عالمی درد و بلا
اوندا کی گوردون فشار در خانم یا فاطمه
.
.
چرخ گردون مرتضی تک گورمیوب مظلوم اولان
سن کیمی مظلومه ده گورمز داخی چشم زمان
سجده ده عجّل وفاتی ذکرینی ایتدون بیان
یعنی قورتار ای حق داور خانم یا فاطمه
.
.
محنتون بیحدّدور ای بانوی یوم شمار
بیر غمون لیکن تماماً شیعه نون حالین پوزار
بو روادور سن کیمی خاتون اولا ایتگین مزار
قبریوه قربان اولاخ یکسر خانم یا فاطمه
.
.
ای اولان کان عطا و بخشش و جود و سخا
هر گدا گلسه قاپوندان بوش قیتمز برملا
بیر گدایم منده درگاهونده لطف ایت سال یولا
دردینه #سائل دوا ایستر خانم یا فاطمه
.
.
گرچه بو اشعاری «ذهنی» یازدی با آه و فغان
لیک تکمیل ایلدی استادی ، «سعدیّ زمان»
اوز بالاندور چون «حسینی» لطفیوی ایله عیان
خاک بوسون آرزو ایلر خانم یا فاطمه
.
.
شعر دیگر از مرحوم ذهنی زاده در هشتک زیر
#ای_یگانه_گوهر_گنج_حیا_یافاطمه
.
#فاطمیه_مدح
#فاطمیه_شهادت
#ای_وجودی_عالمه_مفخر_خانم_یافاطمه
#ذهنی_زاده
#سعدی_زمان
#ترکی
.
.
نظر دهید