ای وجودی مفخر کون و مکان یا فاطمه #فاطمیه_ستار_رزاقی

در مقام حضرت زهرا .س.
.
.
ستار رزاقی تبریزی
.
.
ای وجودی مفخر کون و مکان یا فاطمه
ای جهان خلقته روح و روان یا فاطمه
.
.
ای سپهر عصمت و تقواده بی شمس الضحا
ای وجود پاکینه فخر ایلین ارض و سما
گلمیوب گلمز مثالین بو جهانه مطلقا
ایتماق اولماز شانیوی شرح و بیان یا فاطمه
.
.
سن او بانوسن کی عشقون ایلیوب دنیانی مات
سندن اوتری خالق حق خلقته ویرمیش حیات
خلق اولونمازدی اگر سن اولماسیدون کاینات
خلق اولوبدور سندن اوتری بو جهان یا فاطمه
.
.
سن اوبانوسن که فخر ایلردی سنله مصطفا
نازیوی دایم چکردی دهریده اول مقتدا
احترام ایلوب دییردی جانیوه جانیم فدا
غبطه ایلر شانیوه اهل جنان یا فاطمه
.
.
خلق ایدیبدور حق سنی تقوا وعصمت مظهری
اولموسان بو علته نسوان عالم سروری
همسر شیر خدا اون بیر امامین مادری
نور چشم خاتم پیغمبران یا فاطمه
.
.
سن اوبانوسن کی چشم اهل عالم سنده دور
یوز قویا درگاهیوه اهل جهان زیبنده دور
هر ایکی دنیا غلام درگهون پاینده دور
چون او ییردور بیزلره دارالامان یافاطمه
.
.
یوخ مثالین رتبه ده تک سن ایا بنت رسول
سوره کوثر سنون شانونده دور حقدن نزول
درک ایدنمز شانیوی اجلالیوی اما عقول
حیف قدرین دهریده اولدی نهان یافاطمه
.
.
دایماً ایلردی پیغمبر سفارش امته
اهلبیتیم قویمیون دوشسونله رنج و محنته
سالدی لاکن بی مروتلر سنی چوخ زحمته
قلب طاهانی بو غملر ایتدی قان یافاطمه
.
.
هربلا گلدی دایاندون استقامت ایلدون
روزوشب دین و ولایتدن حمایت ایلدون
جانیوی آخرده قربان ولایت ایلدون
دلده کی پاک عشقوی ویردون نشان یافاطمه
.
.
چوخ جفا گوردون جهاندا رحمسیز اشراریدن
گل مثالی اینجیدون هر لحظه جور خاریدن
بولمورم چکدون نلر رنج درو مسماریدن
دهریده اولدی ایشون آه و فغان یافاطمه
.
.
بینوا . رزاقیم . ای معدن جود و سخا
چوخدی دردیم روزوشب اولموش ایشیم آه ونوا
لطف قیل بو روسیاهین دردینه ایله دوا
قویما رخساره اولا اشکیم روان یافاطمه
.
.
.
#ستار_رزاقی #فاطمیه #فاطمیه_مدح #ترکی #زبدةالاشعار