زبدةالاشعار

یومدی گوزوی خواب اجل ای گل جنت #فاطمیه_هدایت_تبریزی

شهادت حضرت زهرا (س)
.
.
هدایتی تبریزی
.
.
یومدی گوزوی خواب اجل ای گل جنّت
تاپدئن ابدی منزلی یات فاطمه راحت
.
پرواز ائلدین شاخه ی طوبای جنانه
محصور ائلدی بی کس علینی غم و محنت
.
بوشدور یئرین ائوده ولی قلبیم سنیلن دی
سنسیز منه زنداندی جهان اوللام اذیّت
.
روحیم سنیله سازش ائدوب دور ، منه جانسان
ترک ائتدین علی لانه سین ای مرغ سعادت
.
سن قول قانادیم سان ، قانادیم سندی سن ئولدون
ئولدون ، سنیله ئولدو وفا ، ئولدو محبّت
.
تک قویدون علینی بو قدر دشمن ایچنده
کیمدور کی یامان گونده منه ائتسین اعانت
.
دردین منه درد اولدی ، ایاقدان منی سالدی
نه دیزده نه ده قلب ده قالمور داخی طاقت
.
یانسین سنه سیلی ورانی ، فاطمه یاندیم
اوخ اولدی منه ایلدی اول سیلی اصابت
.
فرمایش پیغمبره ترسه عمل اولدی
ایوای منه ، سیلی دی مگر مزد رسالت
.
سینن یاراسین درک ائلدیم غسل وئرنده
نالم اوجالاندی اؤرگیم تاپدی حرارت
.
شرمندیم ، عفو ایله علینی سنه قربان
حفظنده قصوریم اولوب ای عالی امانت
.
گوز اوسته سنی ساخلامالیدی علی ، افسوس
بو فرقه ی غاصب سنه ده ائتدی خیانت
.
اود وردولا درگاهوه نالن اوجالاندی
حرمت پوزولوب جبراً ایاقلاندی مودّت
.
غوغائیدی ، طوفان بلائیدی قاپم دا
ظاهر سنه دنیاده عیان اولدی قیامت
.
راضیدیم اجل درک ائده اول ساعت علینی
حسرتله ولی ائتمیم اول حاله نظارت
.
سیننده کی یاره سینه می درده سالوبدور
شرمنده اولا قوم ستمکار و شرارت
.
عمرومجه سنین محنتوه آغلاسام آزدی
ای قوّت بازوی علی ، کان رشادت
.
بیر یول دا منه ایلمدین باری گلایه
بیر یولدا منه ایلمدین دردین حکایت
.
بیر یول دئمه دین باری قولومدا یارا واردی
پهلوده الین قالدی ، گلوب تا کی شهادت
.
یوز قالمادی منده یوزوه باخماقا زهرا
دشمن خجل اولسون کی علی اولدی خجالت
.
شرمنده لیق ئولدوردی ، اجل گلمدی امّا
قوینومدا الیم قالدی اؤرک یاندی نهایت
.
قبرینله خوشام ، درد دله کیمسنه یوخدور
سنله بو یانان قلبیم ازلدن تاپیب ألفت
.
نیلیم کی سلام ایلیورم یوخدو جوابی
بو بی کسی بیر کیمسه داخی ائتمور اجابت
.
دور یاتما کمک سیزدی علی ، همدمی یوخدی
دور گور نجه ایلور منه شرّ اهلی شماتت
.
سن زحمته دوشدون یارا گوردون منه خاطر
مین محنته دؤزدون اؤرگین گوردی مرارت
.
بیت الحزنین بوشدی نه سس وار نه سزلتی
راحت یاتور ایولرده داخی اهل ضلالت
.
گزلین دی مزارین ، نه گلن وار نه گئدن وار
یوخ فاتحه حقّنده ائده کیمسه قرائت
.
دورت خردا بالان اللری قوینوندا قالئبدور
گوزیاشی توکور دوردی ده ای کان کرامت
.
سنسیز بو حیاتین منه یوخ لذّتی زهرا
بیر عمر کی هر بیر نفسی غمدی نه لذّت
.
آی آرخام ائلیم ، قول قانادئم ، قوّت قلبیم
سنسیز ورولار قوللاریما طوق اسارت
.
باغلانسا قولوم بیرده دالمجا گلن اولماز
ظاهر ائلیر بغضنی اصحاب کدورت
.
هجران غمی یاندردی ایاقدان منی سالدی
بو محنتی وئر اذن چکه نظمه ( هدایت )

متن پیشنهادی:  بوش قالوب سنسیز علی محراب و منبر کوفه ده #حیدریه_شهاب_اهری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی