یا مهدی
.
✍️ زبدة الاشعار ✍️
.
🆔: @nohe_torki
.
.
سبک های مشابه : اذن ویر یا رب گله مهدی امید هل اتی … یه سوال دارم مگر ما دل نداریم ای خدا … زینبم جان اوستیم …
.
.
مرحوم حاج حیدر خسروشاهی ( حزین )
.
.
ای ولایت اهلینون مولاسی یا صاحب زمان
نخل توحیدین گُل رعناسی یا صاحب زمان
.
مولا … آقا … عَجِّل عَلی ظُهورک …
.
.
.
.
گَل زمان طوفاندی ای عصر و زمانین صاحبی
سندن ئوزگه یوخ بو گون اسلامیانین صاحبی
گل، جهانی روشن ایله ، ای جهانین صاحبی
تا قورولسون معدلت شوراسی یاصاحب زمان
.
.
گل، ییغیشدیر دهردن کفر و ظلالت پرچمین
ویر هامی عالملره حقّ وعدالت پرچمین
نصب ائله هر یاندا اسلامین اصالت پرچمین
دولدورا دنیانی حقّ آواسی یاصاحب زمان
.
.
ای ولیّ الله اعظم حجّت کبرای حق
وی قویان باشه شرفدن تاج کرّمنای حق
ای امام کون وامکان آیت عظمای حق
کایناتین باعث ابقاسی یاصاحب زمان
.
.
یئر یوزونده ای جلال کبریانین وارثی
انبیانین جانشینی ، اولیانین وارثی
هارداسان گل ای شهید کربلانین وارثی
قوی گؤرونسون کربلا غوغاسی یاصاحب زمان
.
.
سن بو گون ارض و سمانین باعث ابقاسی سن
واقعی صلح جهانین ضامن اجراسی سن
دردمندانِ زمانین ملجاء و مأواسی سن
ای هامی مظلوملارین ملجاسی یاصاحب زمان
.
.
روزگاری غم دوتوب ای روزگارین صاحبی
کسمه فیض لطفون ای خرد و کبارین صاحبی
ذوالفقارون آل اَله ای ذوالفقارین صاحبی
صلحه بسدی تیغیوین ایماسی یا صاحب زمان
.
.
ای جهانین صاحبی تئز گل جهان آلماقلیقا
ادّعا صاحب لریندن امتحان آلماقلیقا
جدّوون قانین توکنلردن ده قان آلماقلیقا
جوشه گلسین بیرده قان دریاسی یاصاحب زمان
.
.
کربلاده کوفیان ظلمونده طغیان ائتدیلر
آل طاهانین مبارک خاطرین قان ائتدیلر
ظلمیله انصارِ دینی قانه غلطان ائتدیلر
هر شهیدین دوغرانوب اعضاسی یا صاحب زمان
.
.
غصّه دن اهل ولانین خاطری قان اولدی گل
ظلمیله ای مصلح عالم بو عالم دولدی گل
صرصرِ ظلمیله دینین گلستانی سولدی گل
سلب اولوب اسلامیان یاراسی یا صاحب زمان
.
.
سیّدی سنسن بو گون اسلام و دینین عزّتی
مفخرعرفان و قرآن مبینین عزّتی
گل بنای کفری یئخ ای مؤمنینین عزّتی
بو گونون بولسونله وار فرداسی یا صاحب زمان
.
.
خائن اللر تفرقه سالماقدا طغیان ائیلییب
دین آدیلا قصد جان اهل ایمان ائلییب
قارداشی قارداشه دشمن قوم عدوان ائیلییب
گل گئدیب قارداشلیقین معناسی یا صاحب زمان
.
.
سالدیلار بیگانه لر قارداشی قارداش جانینه
دشمن ایمندی دوشن یولداشدی یولداش جانینه
گل بو قدری قویما اسلامین دگه داش جانینه
تار اولا اسلامیان دنیاسی یاصاحب زمان
.
.
سیّدی اسلامی امّتلرده وحدت قالمیوب
درک ائداخ ضربت بیزه هارداندی فرصت قالمیوب
خلقلرده عدل و انصاف و مرّوت قالمیوب
یوخدی دنیانین مگرعقباسی یا صاحب زمان؟
.
.
سالمیری یاده چوخ انسانلار عذاب آیاتینی
چوخلاری یاددان چیخاردیبلار حساب آیاتینی
ایلیوب انکار چوخ چوخلار حجاب آیاتینی
یوخدی غیظ حقّدن پرواسی یاصاحب زمان
.
.
باغلانیب احبابه امّید و رجانین یوللاری
سیّدی وار سنده هر درده دوانین یوللاری
بیر نظر قیل امن اولا کرب و بلانین یوللاری
اویولون اولموش #حزین شیداسی یاصاحب زمان
.
.
#سبک_زینبم_جان_اوستیم ( 4 سبک )
.
.
#مهدیه
#ای_ولایت_اهلینون_مولاسی_یا_صاحب_زمان
#حزین_خسروشاهی
#ترکی
.
✍️ #زبدةالاشعار ✍️
.
🆔: @nohe_torki
نظر دهید