زبانحال حضرت زهرا سلام الله علیها
.
.
#سبک_دولدوروب_جهانی
.
.
مرحوم غلامعلی باقری الهام (هوشی تبریزی)
.
ای ولیِّ حیِّ لا یزال عم اوغلی
فاطمه ویرور جان قیل حلال عم اوغلی
.
ویرما قلبیمه یاره
توکمه بیله رخساره
اشک آل عم اوغلی
.
.
.
.
.
تار عمروم اولموش بیر بو آنه بسته
بذل جان ایدور بو زار و دلشکسته
آل بو صون نفسده باشیمی دیز اوسته
توکمه گل عذاره اشگ آل عم اوغلی
ویرما قلبیمه یاره …
.
.
.
.
ای عزیز جانیم وی شه ولایت
سن اوزون بولورسن یوخ بیانه حاجت
هر جفا ایدوبلر فرقۀ عداوت
یوز ویروب نه غملر اتصّال عم اوغلی
ویرما قلبیمه یاره …
.
.
.
.
نار غم سالوبدی جانیمه شراره
درگهیم یاناندان وار بدنده یاره
دوزموشم جهاندا ظلم بی شماره
حقّیمی ایدوبلر پایمال عم اوغلی
ویرما قلبیمه یاره …
.
.
.
.
.
دوقّوز ایل بو ایوده هر دقیقه هردم
هر غمیمده اولدون سن منیله همدم
زحمتیم چوخ اولدی ای شه دو عالم
چوخ واریمدی سندن انفعال عم اوغلی
ویرما قلبیمه یاره …
.
.
.
.
گر چه دلده مینلر درد و محنتیم وار
بیر نچه دقیقه لیک فرصتیم وار
گل ایدوم بو ساعت هر وصیّتیم وار
ایله جابجا ای خوش خصال عم اوغلی
ویرما قلبیمه یاره …
.
.
.
.
.
اولما راضی گلسون ای شهنشه دین
بو جنازم اوسته فرقۀ بد آیین
غُسل ویر گجیله قوی مزاره گزلین
قبریم اولسون ایتگین ماه و سال عم اوغلی
ویرما قلبیمه یاره …
.
.
.
.
.
واردی گوزده اشگیم دلده شور و شینیم
بو بالام حسندور نور هر دو عینیم
جسمیمه رواندور خاصّه بو حسینیم
باغ آرزومه نو نهال عم اوغلی
ویرما قلبیمه یاره …
.
.
.
.
.
حقّی واردی منسیز رنگ آلی سولسون
گوزلری سرشگ حسرتیله دو لسون
قویما بوندان آرتوخ دل شکسته اولسون
لطفون ایله شامل گویلون آل عم اوغلی
ویرما قلبیمه یاره …
.
.
.
.
.
خامۀ مَشیّت ایلیوبدی مرقوم
من ایدم جهانی ترک سینه مغموم
قویما آغلاسون سن زینبیله کلثوم
دللرینی دوتسون چوخ ملال عم اوغلی
ویرما قلبیمه یاره …
.
.
.
.
.
آز عذاره جاری گوزدن اشک آل ائت
آز منی غریق حسرت ملال ائت
گل بو زاره صُون دم حقّووی حلال ائت
ترک ایدوم جهانی بی خیال عم اوغلی
ویرما قلبیمه یاره …
.
.
.
.
.
توک عذاره « هوشی » گوزدن اشگ حسرت
ایله الده اشگون توشۀ قیامت
فاطمه دیلینجن بیرده قیل کتابت
ای ولیّ حیّ لایزال عم اوغلی
ویرما قلبیمه یاره …
.
.
.
#فاطمیه_شهادت
#ای_ولی_حی_لا_یزال_عم_اوغلی
#هوشی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید