زبانحال حضرت زینب (س) در شهادت مادر
.
.
سید بشیر حسینی میانجی
.
.
#سبک_خیمه_نی_سیلمیشم
.
.
.
.
گئتمه گئتمه آنا، دوندی قلبیم قانا
جدّیمون نورعینی قویما آغلار حسینی
زینبم آغلارام یاسیوی ساخلارام
سالمیشام شورشینی، قویما آغلار حسینی
.
.
.
باغبانیم آنا! قویما گوللر یانا
گورمیوبدور هئچ انسان، بیله غملی گولوستان
بئش یاشیم وار منیم، گوزیاشیم وار منیم
ساچلاریم تک آنان!، اولدی حالیم پریشان
حال مبهوتیوه، غملی تابوتیوه
زینبین جانی قربان، گئتمه باغریم اولور قان
آغلادیر محنتون، غصه‌لی فرقتون
شاه بدر و حُنینی، قویما آغلار حسینی
.
.
.
ای بلالی آنام! گور نه مظلوم آتام
آیریلیقدان قوجالدی، غم منی درده سالدی
سن گئدیرسن هارا؟ گئیدی عالَم قارا
عرش و فرشی غم آلدی، غم منی درده سالدی
ایلرم زمزمه، آغلارام بو غمه
بسترون خالی قالدی، غم منی درده سالدی
ای یارالی ئولن! سنسیز عمریمده من
نیلورم زیب و زینی، قویما آغلار حسینی
.
.
.
ای جوان جان وئرن! یاره‌سی قان وئرن
دیلده چوخلو سوزوم وار، گوزلرونده گوزوم وار
گوزیاشیم اولدی قان، نه دیزیمده توان
نه اورکده دؤزوم وار، گوزلرونده گوزوم وار
ای یارالی ننه، چوخ باخاردون منه
گور نه غملی یوزوم وار، گوزلرونده گوزوم وار
غملی قالّام آنا! یاده سالّام آنا!
من ئولونجه بو حینی، قویما آغلار حسینی
.
.
.
یوخدی آرامشیم، وار سنه خواهشیم
من دوشنده بلایه، گل آنا کربلایه
کربلا غملی‌دیر، درد و ماتملی‌دیر
اوردا گلّم نوایه، گل آنا کربلایه
غم گونو یولداشیم، بو حسین قارداشیم
سسلنَنده هرایه، گل آنا کربلایه
اوستونه بو شهین، یاغدیرار اهل کین
تیر و سیف و سُنینی، قویما آغلار حسینی
.
.
.
یازدی #سیدبشیر، نوحه‌ی دلپذیر
اولدی شاعر بقیعه، ایله زائر بقیعه
قلبی غمدن دولار، هاردا اولسا اولار
روحی طائر بقیعه، ایله زائر بقیعه
سؤیلییر صبح و شام، باری بیر یول اولام
من مسافر، بقیعه، ایله زائر بقیعه
عطر لطفون آلوب، گور نه گؤیچک سالوب
بو ردیفه #حسینی، قویما آغلار حسینی
.
.
.
.
.
#فاطمیه_شهادت
#گئتمه_گئتمه_آنا_دوندی_قلبیم_قانا
#سیدبشیرحسینی
#ترکی
#زبدةالاشعار
نظر دهید