مدح حضرت معصومه سلام الله علیها
.
✍️ #زبدةالاشعار ✍️
.
🆔: @nohe_torki
.
محمدرضارمضانی(ذوالفنون)
.
ای ویرن قم شهرینه حسن و صفا معصومه جان
جان فدا اجلالیوه ای با وفا معصومه جان
.
.
کیمیا تک مقدم پاکون قما قیمت وئروب
شهرلر ایچره خانم بو شهره چوخ شهرت وئروب
شهر علم و اجتهاد ایلوب عجب عزت وئروب
قم اولوبدور عُشّ آل مصطفی معصومه جان
.
.
شهر طاهادن بورا طی منازل ایلدون
هر زمان قم اهلینی الطافه شامل ایلدون
لطفیلن بو شهری سن مهد افاضل ایلدون
ای وجود اطهری چون کیمیا معصومه جان
.
.
ای حیا آیینه سی زهرای اطهردن نشان
بیر زمان اولدون بو شهره نچّه گون سن میهمان
ایندی میلیونلار نفر زواره سنسن میزبان
یوز قویور درگاهوه هر بینوا معصومه جان
.
.
ای اولان صحن و رواقی زائره دار الامان
شهر قمدا منبع فیض و عطاسن بی گمان
دختر موسی بن جعفر عمه ی صاحب زمان
مرقدوندور مأمن اهل ولا معصومه جان
.
.
خاندان مصطفادن سن بو یرده یادگار
اهل ایران ایلیر سنلن رضایه افتخار
مشهد و قمّین بلاد دیگره رجحانی وار
ایلیوبسن سن قمی امّ القُرا معصومه جان
.
.
طور سینادنده باشدور مرقدون یوخ شبهه سی
هر گئجه گوندوز چیخار هفت آسمانه جلوه سی
اولمویا موسادن عرشه قوزانوب ارنی سسی؟
جلوه گر اولموش بئله نورخدا معصومه جان
.
.
موج ائدور دریا کیمین زائرلرون صبح و مسا
طوف ائدللر کعبه مثلی قبریوی اهل ولا
توتیا ایلر غبارین اهل ایمان برملا
سسلنلّر السلام ای ذوالعطا معصومه جان
.
.
وار روایت که بویورموش حضرت ابن الرضا(1)
عمه مه زائراولوب کیم حقینه عارف اولا
اجر و پاداشی بهشت عدن دور روز جزا
سنده دور مفتاح جنات العلی معصومه جان
.
.
رتبهٔ شاناً مِن الشأنی یازوب جانان سنه
مرحبا الحق وئروب دور رتبه ی شایان سنه
«ذوالفنونین» جانی اولسون دمبدم قربان سنه
دوشمه سین بیرآن دیلیندن بو دعا معصومه جان
ــــــــــــــــــــــــــــــ
(1)امام جواد (ع): مَن زارَ عَمَّتی بِقُم فَلَهُ الجَنّه
کسی که قبرعمه ام (حضرت معصومه سلام الله علیها ) را در قم زیارت کند پاداش او بهشت است.
بحارالانوار.ج۶۰.ص۲۱۶
#حضرت_معصومه_رمضانی_ذوالفنون
#حضرت_معصومه_مدح
#ای_ویرن_قم_شهرینه_حسن_و_صفا_معصومه_جان
#ترکی
.
✍️ #زبدةالاشعار ✍️
.
🆔: @nohe_torki
نظر دهید