شب مهلت
.
✍️ زبدة الاشعار ✍️
?: @nohe_torki
.
اکبر قنبری تیکمه داش
.
ای پناه آل طاها مرتضی صولت ابالفضل
بو گئجه گئت اشقیادن آل اوزون مهلت ابالفضل
.
گون باتیب قوی آیدا باتسین
قیزلاریم آسوده یاتسین
.
.
بو بالا قیزلار یانوبلار چوخ شرار سوز آهه
خیمه لردن دود آهی قوزانوبدی مهرو ماهه
بو گئجه سن اول نگهبان صبح اولونجان خیمه گاهه
خیمه لرده بلکه اولسون عترتیم راحت ابالفضل
.
.
ای علمدار رشیدیم وی امیر سر سپاهیم
باج آلان ماه فلکدن حسنی ای تابنده ماهیم
من پناه عالم اولسام بیل بو گون سن سن پناهیم
قلبیمین آرامی سن سن ای قمر طلعت ابالفضل
.
.
گلشن آلعبایه من وفالی باغبانم
آند اولا دین مبینه من دینه پاسبانم
بو گئجه زینب باجیمدان هامیدان چوخ ناگرانم
غم شریکیمدور منیم اول گوهر عصمت ابالفضل
.
.
بو گئجه زینب باجیم قوی بیلمه سین آخر گئجمدی
عترت آلعباده چون باجیم چوخ محترمدی
چون صباح آغاز روز محنت اهل حرمدی
قوی باری اولسونلا راحت بوگئجه عترت ابالفضل
.
.
بو گئجه قوی اهل بیتیم راحت اولسون گون چیخینجان
قوی دئسین لایلای آناسی اصغره تا صبح اولونجان
اکبرین بی چاره لیلا باری گورسون بیر دویونجان
بو گئجه آخر گوروشدی آخرین فرصت ابالفضل
.
.
بو گئجه سن اول نگهبان اولماسین مضطر رقیم
دوشمه سین چوخ اضطرابه فاطمه منظر رقیم
اول آنام خیرالنسایه گوزلری بنزر رقیم
های هوی اشقیادن ائتمه سین وحشت ابالفضل
.
.
بو او قیزدور اوچ یاشیندا عالمه شهرت سالان قیز
غصه لر تاب و توانین قلب زاریندن آلان قیز
هر گئجه شیرین دیلیله اصغره لایلای چالان قیز
اول شیرین لحنه ائدیبدور اصغریم عادت ابالفضل
.
.
وار یقینیم صبح آچیلسا حشر اولار برپا بو چولده
آیری بیر هنگامه واردور آیری بیر غوغا بو چولده
هلهله ائیلیر قتاله فرقه اعدا بو چولده
روبرو اولموش سپاه نوریلن ظلمت ابالفضل
.
.
ائیله بیر طوفان قوپار که بو بیابان بلاده
قورخولی یئللر اسر بو سرزمین کربلاده
قورخودان قیها چکلر سیر ائدن قوشلار هواده
بو بیابانی بورور بیر جنگ پر شدت ابالفضل
.
.
قنبری نوحه یازاندا چوخ گلر آه و فغانه
روز و شب سسلر ابالفضل همده آغلار یانه یانه
صدقیلن بیر عمردور که اوز قویوب بو آستانه
وار امیدی درگهینده تا آلا حاجت ابالفضل
.
#سبک_ای_ویرن_ویرانه_یرده (3 سبک)
.
#شب_عاشورا
#ای_پناه_آل_طاها_مرتضی_صولت_ابالفضل
#اکبر_قنبری
#ترکی
.
✍️ #زبدةالاشعار✍️
?: @nohe_torki
نظر دهید