زبانحال امام حسین(ع)با زینب کبری (س) موقع وداع حضرت ابوالفضل(ع)
.
✍️ زبدة الاشعار ✍️
?: @nohe_torki
.
علیوی
.
آیریلور خیمه دن عباس قیامتدی باجی
بیلوسن قارداشیوا اوج مصیبتدی باجی
.
سسله اهل حرمی هامی خداحافظ ائده
قوتارور لحظه ی وصلت دم فرقتدی باجی
.
بالاجا قیزلارا تاپشیر دئمه سینلر سوسوزوق
آدی سقادی سویی یوخدی، خجالتدی باجی
.
نه نه سی یوخدی یانندا قولیوی بوینونا سال
قویما چوخ قلبی داریخسون سنه فرصتدی باجی
.
بئله قارداش اله دوشمز گلون آلنینان ئوپک
بو اوزون قولی اباالفضل بیزه نعمتدی باجی
.
آلنین ئوپ ،بلکه آغیر آهنه سبقت دوتاسان
اهل بیته بو نچه لحظه غنیمتدی باجی
.
گرچه مشکین گوتوروب سیزسویولون گوزلمیون
ایستیور بیلدیره آماده ی خدمتدی باجی
.
یوخسا هم مشکینه هم آلننا پیکان دگجک
روز عاشردی بوگون روز شهادتدی باجی
.
جسمینه دوشسه گوزون موقع کوچ اسرا
گوره جک سن که نجه غرق جراحتدی باجی
.
عالمه وئرمزیدیم قارداشیمون بیر توکونی
نیلیوم ایش بئله گلدی بئله قسمتدی باجی
.
امتحان وقتی گرک هر ندن عاشق ال اوزه
سالکم من بودا آیین طریقتدی باجی
.
اکبریم قانه باتاندا دئمدیم سندی بلیم
چون بیلیردوم هله عباس سلامتدی باجی
بلیمی سندیراجاقدور ولی عباس ئوزومی
گول وجودی من ایچون مایه عزتدی باجی
.
#عباسیه_شهادت
#آیریلور_خیمه_دن_عباس_قیامتدی_باجی
#علیوی
#ترکی
.
✍️ #زبدةالاشعار✍️
?: @nohe_torki
نظر دهید