ورود به کربلا
.
.
.
مرحوم سید احمد یاسر نجفی (ثریا تبریزی)
.
ای کربلا بو گون سنه شاه جهان گلور
ملک حجازی ترک ایلیوب باغریقان گلور
.
یتمیش ایکی شهیدین آلوبدور الین اله
جان و دلیله ویرماقا جانانه جان گلور
.
دنیا غمین گوزیندن آتوب شوق و ذوقیله
عالمدن ال چکوبدی شه انس و جان گلور
.
یالقوز قویوب رسول خدانین مزارینی
گوز یاشینی بو باره ده ایلوب روان گلور
.
زهرا قیزی یانیندا گلور یدی قارداشی
لیلا یانینجا اکبر تازه جوان گلور
.
طوی خونچا سی آرایه گلور نعشی قاسیمون
شیرینی ظلمیله اولی تلخ جهان گلور
.
اصغر آناسی اصغری آغوشینه آلوب
جاندان گیچوبدی اصغر شیرین زبان گلور
.
بلمور شهید اولماقا لب تشنه اصغرین
الده دوتوبدی حرمله تیر و کمان گلور
.
زهر جفایه چولقیوب اوچ شعبه لی خدنگ
نازک بوغازین ایلیه جاقدور نشان گلور
.
عباس علم آلوب اله کلثوم الین دوتوب
مشکین سالوبدی چگنینه شیر ژیان گلور
.
بیر اوچ یاشیندا خوردا قیزین دوره سین آلوب
عز و جلال و جاهیله یکسر زنان گلور
.
میندرمیون سکینه نی زرّین کجاویه
آخر منیم خیالیمه بیر داستان گلور
.
فخر ایلمه یازاندا (ثریا) بو سوزلری
تائید غیبی واردی بیله خوش زبان گلور
.
آل علی قصاصینی دشمندن آلماقا
بیر ذوالفقار صاحبی صاحب زمان گلور
.
#ورود_کربلا
#ای_کربلا_بو_گون_سنه_شاه_جهان_گلور
#ثریا_تبریزی
#ترکی
#زبدةالاشعار
نظر دهید