یا فاطمه معصومه (ع)
.
✍️زبدةالاشعار✍️
?: @nohe_torki
.
هدایتی تبریزی
.
ای گل همیشه لقدی صفا و طراوتین
جاوید و لایزالی دی حسن و لطاوتین
.
صدره مکان سان ارج و مقامون بلنددور
وار بزم معرفت ده مقام صدارتین
.
صهبای عشق و معرفت و حکمت و کمال
تطهیر روح دور فقرات سقایتین
.
معصومه سن حجاب و عفافون نمونه دور
باشدا تجلّی ایلیوری تاج عصمتین
.
سینون کنوز علمی اوزون ده نهان ایدوب
واردور تمام اصول و فروعه فقاهتین
.
( بنت امام و اخت امام عمّۀ امام )
آئینۀ ولادی امان و صداقتین
.
قامت بلند و قدر بلند و ادب بلند
داغدان آغردی وقر وزین و صلابتین
.
قرآنیله انیس و هم آوای قدسیان
سبّوحیانی حیرته سالمش تلاوتین
.
شأن و شرف ده سبقت آلان جبرئیل دن
پاینده دور مقام قرابت ده قربتین
.
تنها نه اینکه اخت امام رئوف سن
الحق رئوف امام کیمی واردی رئفین
.
گرداب حیرته دوشوب عقلیم سفینه سی
بس کی سخلمیاندی شعوره جلالتین
.
کوثر سنین دی ، ساقی کوثر نبیره سی
مست ایلیوب محبّوی جام محبّتین
.
یوخدور لکه اصول و فروعون دا ذرّه تک
زنجیر زردی پاک و مطهّر اصالتین
.
تخت و سریر حسن ده بی غش ملیکه سن
انس و ملک عنایت حق دن رعیّتین
.
حکم کریمه لق ورولوب سکّه آدیوه
دوتموش جهانی صیت سخا و کرامتین
.
عصمت سنیله بَلّنوب عصمت گزن لره
خطّ و طریق عشق دی خطّ و طریقتین
.
ملجاء دی آستان شریفین فقیه اوچون
علّامه گان عالمه واردور زعامتین
.
یوخدور نظیرین انس و ملک ده خوشا سنه
بی مثل دور متانت و طهر و نقاوتین
.
ای اشرف خلایقه منسوب منصبی
گنج شرف ده درّ دی شاءن و شرافتین
.
شمس الشّموس عشقیله چاتدون بویا باشا
چاتماز باشا مدیحۀ حسن و سجیّتین
.
معصومه لق لباسی برازنده دور سنه
ملک ولاده ذرّه جه یوخدور منیّتین
.
امراض شرکه ایلوری درمان محبّتین
درد قلوبی بر طرف ایلور طبابتین
.
ای تحت قبّه سنده افاضه فیوض جان
فیّاض کائنات اوزو ایلور زیارتین
.
شاه لار ارادتیله گلر پای بوس وه
بوندان دا چوخدو ساحت حق ده لیاقتین
.
اخت الرّضا ، رضایت حقّه رضا ویرن
واضح مقام سلم و رضاده فضیلتین
.
شیرین کلام و عارفه و افقه النّساء
تثبیت اولوب دو بزم ولاده قداستین
.
عقلیم سفینه سی اوتوروب گِل ده ، قالمشام
نظمه چکیم ننوعی فروغ مدیحتین
.
حسنون ایله منوّر ائدیب بزم رحمتی
رحمت ده غوطه وردی رهین مودّتین
.
یانماز جهنّمین اودونا یوم حشرده
ائتسه احاطه هر کیمی لطف شفاعتین
.
منده دخیلوم سنین ای ذوالکرم خانم
بو قاصر شکستیه اولسون عنایتین
.
قویما یانا جهنّم اودون دا ( هدایتی )
چک پرده ساخلا سترده عیب و فضاحتین
.
ایسته گلیم او درگهَه عرض ارادته
گلّم باش اوسته گلسه اگر امر دعوتین
.
#حضرت_معصومه_مدح
#ای_گل_همیشه_لقدی_صفا_و_طراوتین
#هدایت_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید