نمونه ای از علاقه ی رسول اکرم(ص)به سیدالشهدا(ع)
#گریز به #قتلگاه
.
✍️ زبدة الاشعار ✍️
.
🆔: @nohe_torki
.
مرحوم انور اردبیلی
.
ای گوز هر یرده حسین آدینه محفل واردی
دقّت ایله اورا اهل ادب و دل واردی
.
هانسی مجلسدی او مجلس کیمی دارای شرف
چون حسین آدینه همتا نه معادل واردی
.
فرش ائدوب شهپرینی فوج فرشته لاشک
پرده قویمور گوره سن باطنی حایل واردی
.
حفظ ائدوب خون حسین مکتب توحیدی بلی
اثر نهضتی تا صور سرافیل واردی
.
ختم اولار عمر جهان ماتمی ختم اولمیاجاق
عقلادن بو گوزل منطِقه قائل واردی
.
شأنی مصباح هدا مرتبه سی فلک نجات
هانسی بیر شخصده بو رتبه ی قابل واردی
.
موج طوفان بلیّاتیده هر کشتی باتار
بیر فقط کشتی آل اللهه ساحل واردی
.
کاه تک ارزشی یوخ یاوه سرالر سوزینون
زایل اشخاصیده اندیشه ی زایل واردی
.
بئله اثبات ائلیوبدور بیزه تاریخ جهان
شُبهه سیز هابیل اولان دوره ده قابیل واردی
.
دوز مُرید اولسون حسینه سن اؤزون هابیل سن
یوم محشرده سنه عزّت کامل واردی
.
جدّی خاتم هامودان چوخ بو شهه عاشقیدی
دگُل اغراق بو سوز الده دلایل واردی
.
چوخ اذیّت ائلدی مکّه لیلر طاهایه
یازماقا وقت اولاری نه دئمگه دیل واردی
.
مکّه فتحینده بویوردی هاموزی عفو ائلدیم
حضرتون گور نقدر لطفینه شامل واردی
.
ایکی شخصیکه اولاردان یارالیدی اورگی
خاطریمده سیزه نسبت دئدی مشکل واردی
.
ولی اللهه گوره جرموزی عفو ایلیورم
اهل اسلام اولاسوز منده تمایل واردی
.
آرتیروب دردیمی گورسنمیجکسوز گوزومه
گرچه چهروزده سیزون دینی شمایل واردی
.
ایکی شخصون بیریسی حمزه نی ئولدورمیشدی
قلب خاتمده همین باره ده نسکل واردی
.
دوّمین شخصکه پیغمبری اینجیتمیشدی
صحن تهمتده دئمه بیر ائله عامل واردی
.
حضرته هم داش آتوب هم دئمیشیدی ساحر
عالم هر نقطه ده تبلیغ ائده جاهل واردی
.
نادم اولموشدی ولی ائتدیگی اعمالیندن
توبه دن یاخشی گنهکاره نه حاصل واردی
.
مایلیدی ئوپه هر گونده پیمبر الینی
درک قیلمیشدی حضورینده فضایل واردی
.
گوزینه گورسنه بیلموردی رسول اللهین
آیریلیق تک دئمه بیر زهر هلاهل واردی
.
هی دیوردی منیم ای نفس یخوبسان ائویمی
نقدر سنده مگر نقشه ی باطل واردی
.
آختاروب چاره یولی دقّتیله فکر ائلدی
گوره تا بزم وصاله نه وسایل واردی
.
یاخشی فکر ایلسه دیندار بشر بیر ساعت
یتمیش ایل طاعتیله فیض مقابل واردی
.
بیر وسیله دئدی تاپدیم منی غمدن قوتارار
روح احمدده اونا حرمتِ کامل واردی
.
ائتدی زهرا قاپوسین خجلتیله دقّ الباب
قاپیا گل دئدی یا فاطمه سائل واردی
.
بی اجازه ورورام درگهوزی عفو ائلیون
چون ملکدن بو ائوه اذنیله نازل واردی
.
موری معذور دوتون باب سلیمانه گلوب
بیلورم سِیر طریقتده مراحل واردی
.
قاپونی آچدی خانم عرض ائلدی مرد عرب
بو قدر زحمته سالدیم سیزی عامل واردی
.
دردمندم نچه مدّت اولی ای فخرِ نسا ٕ
گلمیشم بو ائوه حلّال مسائل واردی
.
دئدی زهرا عربه یوخدی عم اوغلوم ائوده
مرتضاده بیلورم چشم قبایل واردی
.
گئت گلرسن صورا مشکل لریوی حلّ ایلر
اوندا الدن یاپوشان پنجه ی باذل واردی
.
دئدی یا فاطمه یوخ شیر خدائیله ایشیم
اؤزی یوخدور ولی منزلده جمایل واردی
.
دلده کی دردیمی مولایه دییم یوخدی اؤزوم
چاره سیزده فقط ای بانوی فاضل واردی
.
منع ائدوب باب کریمون منی دیداریندن
باغلیدور یول منه مابین ده فاصل واردی
.
آز زمان لطف ائلیوب اوغلون حسینی منه وئر
کرموزدن گوره لر مقصده نایل واردی
.
واسطه ائتسم حسینی منی غمدن قوتارار
کامینه چاتمیش اونا هر متوسّل واردی
.
گرچه خوارم گولوی گردنیمه میندیرّم
باغبانی گوره بوینومدا منیم گل واردی
.
سائلین قویمادی محزون اولا زهرای کبار
بالانی آلدی عرب گردنینه ائتدی سوار
.
دئدی صد شکر اولا کمبودیمه جبران واردی
بیر گدایم منیچون رتبه ی شایان واردی
.
آلمیشام بیر گوزلی بوینوما یوخ همتاسی
بو وجودیله وجوده سر و سامان واردی
.
موریدن کمتریدیم جاه سلیمان تاپدیم
دیده ی اهل سمادن منه حیران واردی
.
ائوین آباد ائله الله ، خانم فاطمه نین
ائو نه ائو کعبه کیمی فیض دوچندان واردی
.
سنه خاطر او جلیله بالاسین وئردی منه
بیلدی اوغلیلا اورک دردیمه درمان وئردی
.
جدّینون مرحمتی چوخدی حسینه بیلورم
خلعت وصلته امّید فراوان واردی
.
مسجده داخل عرب اولدی حسین بوینوندا
گوردی مسجد دولوسی جلوه ی جانان واردی
.
درک ائدوب عرشه ی منبرده حسینی جدّی
دئدی مسجدده عجب گورملی ریحان واردی
.
منبری ترک ائلیوب آلدی گولون آغوشه
باغبانون گُله عشقی بلی هر آن واردی
.
اوز گوزون اؤپدی ایکی لعلی دوداقین سوردی
لبلرونده دئدی اوغلوم عسل جان واردی
.
عربونده یوزینی ئوپدی حسینه خاطر
قیلدی فرمایش اونا هجریوه پایان واردی
.
هر زمان ایسته سه گوگلون منی دیداریمه گل
محضریمده سنیچون حرمت شایان واردی
.
نه بویوک واسطه گتدون منه ای مرد بصیر
برطرف ایلرم هر حاجتون الآن واردی
.
قویورام بوردا سؤزی کرب و بلادن دانیشام
چون سَمَند سؤزه اول دشتیده جولان واردی
.
بو حسینیکه عزیزیدی رسول اللهه
مهر مکنونی اورکلرده کماکان واردی
.
سالدی نه حاله اونی کوفه لیلر مقتلده
سینه سینده یاریا فکر ائلمه سان واردی
.
حضرت مهدی بیلور یاره سینون تعدادین
اوندا اسرار خفی محنت پنهان واردی
.
صاحب قان اودی افسوس پسِ پرده ده دور
گوزلرینده آقامون بارش نیسان واردی
.
قتلگهده او بیلور عمه سی زینب نه چکوب
زینبون دردینه نه حدّ و نه میزان واردی
.
مقتلی گزدی الی باشدا یتوب گوداله
درک ائدوب سجده ده بیر پیکر عریان واردی
.
گئتمدی دوردی دئدی تاپمیشام آختاردیقیمی
بو حسینیمدی منیم، عشقیمه ایمان واردی
.
بو چوخور یردی یقین دایره ی عشق خدا
سوزومون صحّت و اثباتینه برهان واردی
.
قول قابوقارسی سینان فاطمه نون عطری گلور
سیر عرفاندا بلی عارفه میزان واردی
.
آرخاسی اوستونه دؤندردی باخوب سینه سینه
گوردی سینه دولوسی ناوکِ پیکان واردی
.
دئدی بو سینه نی قارداش نَیه تشبیه وروم
هر یاروندا هله فوّاره کیمی قان واردی
.
گر دئسم صفحه سی اوراق اولان قرآندی
دگُل انصاف هایاندا بئله قرآن واردی
.
یاکه تشبیه ائلسم ذبح اولونان قربانه
اودا ناقصدی مگر سنکیمی قربان واردی
.
گر دئسم داش دگن آئینه دی بیجا دئمیشم
هانسی آئینه ده بو جوهر رخشان واردی
.
سینوین وای منه قارداش سوموگی صدمه گوروب
نقشه ی لعل و سُمِ پای ستوران واردی
.
چشم خورشید شرر زا توکور اود قتلگهه
سایه بان منده فقط زلف پریشان واردی
.
نگران گئتمزیدیم دفنوی گورسیدیم اگر
نه کفن واردی نه دفن ائتمگه امکان واردی
.
نه سنون تک آنام اوغلی اولور اللرده ئولن
نه منیم تک گونی قاره ائوی ویران واردی
.
اولانیم گئتدی، قالان دیلده کی عشقیمدی فقط
تا نفس واردی بو عشقیمده حسینجان واردی
.
گئجه لر مرغ شب آهنگ اولارام چوللرده
شوره گلّم نقدر قدرت الحان واردی
.
فلکون چرخی سینیدی نجه سیندیردی منی
سارباندان باجووا گئتمگه فرمان واردی
.
قمچی آلتیندا یوبانسام بو قالانلاردا ئولر
کوفه اهلینده مگر خصلت انسان واردی
.
هامی مایلدی ئوله مقتلی ترک ایلمیه
منه بو باره ده چوخ دست به دامان واردی
.
او دوننکه گونوموزدی بو بوگونکه گونوموز
آل اطهاره عجب گورملی دوران واردی
.
نجه من نامزدی نامزدیندن آیوروم
هانسی ائل طایفه ده بیر بئله هجران واردی
.
ظلمِ صیّادلری درک ائلیوب آهولر
خبرون وار نقدر یاره لی جیران واردی
.
یارالی بعضی اوشاق شامیده ممکندی ئوله
بولاری ساخلاماقا منده مگر جان واردی
.
.
#پیامبراسلام_مدح
#حسینیه_مدح
#قتلگاه
#ای_گوز_هر_یرده_حسین_آدینه_محفل_واردی
#انور_اردبیلی
#صدای_عاشورا_انور
#ترکی
.
✍️ #زبدةالاشعار ✍️
.
🆔: @nohe_torki
نظر دهید