زبانحال مادر حضرت علی اکبر (ع) در راه شام
..
..
مرحوم میرزا احمد ذاکر تبریزی
..
..
نیزه باشینده باشون گون کیمی رخشاندور علی
تل به تل قاره تلون مه یوزه افشاندور علی
..
..
توکموسن زلفوی چون دستۀ سنبل یوزیوه
ابر تک طرّه لرون ایتموسن حایل یوزیوه
باخا هر کیم بو قرا زلفوه یا گل یوزیوه
بولود آلتندا دییر بیر مه تاباندور علی
..
..
سن او گوندن که منی وصلیوه محتاج ایلدون
قلبیمی تیر غم و محنته آماج ایلدون
بو ایشیقلی گونومی گوزده شب داج ایلدون
سینه ده آهیم اودی لیک فروزاندور علی
..
..
مسکنیم ناقۀ عریاندی منیم قولدا رَسَن
منظریم گوزده سنون تک بیله بیر وجه حسن
سالموسان لیلینی مجنون کیمی صحرالره سن
بولمورم من بو نجه گردش دوراندور علی
..
..
مکتب ذوقیله تحصیلیمی عشق ایلمیشم
پیرو شمس عطارد کیمی مشق ایلمیشم
باشون آردونجا دوشوب عزم دمشق ایلمیشم
مقصدیم شامیده بیر گوشۀ ویراندور علی
..
..
سن سیز ای سرو قدیم یوسف گل پیرهنیم
دلده یعقوب کیمی دائماً آرتار محنیم
گوز یاشیم قانه دؤنوب سهلدی هجرونده منیم
پرده پرده اورگیم غنچه صفت قاندور علی
..
..
بسکه آشفته ام عشقونده سر مو کیمی من
اولموشام قامتی چوگان خم ابرو کیمی من
باشون آردینجا دوشوب تک نه بیر آهو کیمی من
سنه پابند بو بیر جمع پریشاندور علی
..
..
دانۀ خالیوه گوگلوم قوشی مایلدی زبس
وار اودور گل یوزیوی گورماقا چوخ منده هوس
اولوب عالم منه سندن صورا بیر کنج قفس
دلده اندوه و غمیم بسکه فراواندور علی
..
..
بی سبب توکمرم انجم کیمی اشک تریمی
سالارام یاده او عزّتلی گئچن گونلریمی
ائتمیشم مرکز غم خاطر غم پروریمی
مونسیم شام و سحر ناله و افغاندور علی
..
..
ساربانیم نه ایدر مکث نه بیر لحظه دورار
آپارار هی منی سرعتله بو یولّاردا یورار
آغلیاندا سنه هر دم باشیما قمچی ورار
بیر دئمز اوغلی ئولوب دیده سی گریاندور علی
..
..
روز و شب ذکریم اولوب دلده منیم وا ولدا
شوریله ساز ائدرم دمبدم آهنگ نوا
دؤزَرَم قوم مخالف ایده هر قدر جفا
بولورم عاشق اولان دوزمَسَه نقصاندور علی
..
..
تار زلفیله منی ایلموسن بند کمند
گللم آردونجا نقدری یته بو یولدا گزند
یانارام مجمرۀ عشقده مانند سپند
نیلیوم عشق اؤزی بیر آتش سوزاندور علی
..
..
پای بند گره طرّۀ جانانم من
دوشموشم چوللره سرگشته و حیرانم من
سر زلفون تک اوغول گور نه پریشانم من
شامه تک گوگلوم اودور ظلمیله شان شاندور علی
..
..
دلده همواره گرک محنتیم اغراق اولسون
لیلی مجنون کیمی سرگشتۀ آفاق اولسون
غم هجرانه دؤزوب وصلیوه مشتاق اولسون
من کیمی کیم بئله محنت کش دوراندور علی
..
..
بو نه تقدیردی اصلاً ابدا بیلمز آنان
بیرده بو نشأده دلشاد اولوب گولمز آنان
بیلمورم سرّی ندور صاقدی هله ئولمز آنان
چوخ چتیندور بو مصیبت نه که آساندور علی
..
..
حشره تک داغون علی قالدی منیم سینمده
نسگلون یاد ایلدوقجا یانارام هر دمده
نقدر عمر ایده بو بی کس آنان عالمده
باغرینا مویه کنان چاک گریباندور علی
..
#راه_شام #ذاکر_تبریزی #ترکی #زبدةالاشعار #اکبریه #اکبریه_شهادت
نظر دهید