ای گیجه قبره گیدنیم فاطمه #فاطمیه_محمدرضاصادقی

زبانحال حضرت امیرالمومنین (ع) در دفن حضرت زهرا (س)
.
.
#سبک_ای_شه_مظلوم_حسین_وای_وای
.
.
محمدرضاصادقی
.
.
ای گئجه قبره گئدنیم فاطمه
اوج ائدور عرشه محنیم فاطمه
.
.
جدّینه ای عمروده نور دو عین
زینب و کلثوم ائلیور شور و شین
آغلوری ائوده سنه اوغلون حسین
سسلوری ایوای ، حسنیم ، فاطمه
.
.
گئتمه بئله ای گل باغ نبی
سالدی ایاقدان منی هجرون تبی
قویما فراقوندا یانا زینبی
ای گلِ یاسِ چمنیم فاطمه
.
.
گئتمز ائویندن گئجه وقتی تانیش
کوسموسن آیا منی عفو ائت باریش
گل دیله زهرا منیلن بیر دانیش
بلبل شیرین سخنیم فاطمه
.
.
غسلیوی وئردوقجا سینه داغلادیم
ال چکوب اوّل سنه بیر آغلادیم
توختامیان یاره لرون باغلادیم
ای یارامی باغلییَنیم فاطمه
.
.
یاره لرون تا منه اولدی عَلَن
اولدوم اودم فاطمه غرق محن
حالیمی تک بولدی حق ذوالمنن
سسلدیم ایوای ئولنیم فاطمه
.
.
ممکن اگر اولسا بیر آز قال گئجه
قوی یاتا راحت بالالار بو گئجه
قبره قویام من سنی آخر نئجه
ای منی ترک ائیلیَنیم فاطمه
.
.
آغلوری ” شیدا ” سنه با حال زار
مشکلی واردور غمه اولموش دچار
قویما بو عالمده اولا دلفکار
سن بول حسین و حسنیم فاطمه
.
.
#فاطمیه #محمدرضاصادقی #فاطمیه_شهادت #ترکی #زبدةالاشعار