زبان حال جناب زینب کبری (س)
در عزای صدیقه کبری (س)
.
سبک اصلی :#سبک_ای_درد_بی_درمانلارا
سبک های دیگر : #سبک_ای_کربلانون_تشنه_لب … #سبک_یا_فاطمه_من_عقده_دل_وا_نکردم … 10 سبک
.
.
مرحوم صحاف تبریزی
.
.
گلّم آنا یا فاطمه فریاده سنسیز
زینب یوزی گلمز داخی دنیاده سنسیز
یانّام آنا جان تا جاندا وار جان
.
.
قویدون او گوندن که قدم سن بوجهانه
اولدون خدنگ محنت و درده نشانه
من تک بلاکش گورمیوب چشم زمانه
یانّام آنا جان تا جاندا وار جان
.
.
اون سگّیز ایل عمرون اولوب دار فناده
ساعت به ساعت محنتون اولدی زیاده
گلّم فغانه غملرون سالدوقجا یاده
یانّام آنا جان تا جاندا وار جان
.
.
چکدون بو آز عمریله چوخ اندوه محنت
سرو قدون بوکدی آنا بار مصیبت
بیر خوش گونه قالدون آنا دنیاده حسرت
یانّام آنا جان تا جاندا وار جان
.
عالمده رنگارنگ محنتله بویاندون
اوچ گونلریله آج قالوب دوزدون دایاندون
زلفون آغاردی غصّه دن جاندان اوساندون
یانّام آنا جان تا جاندا وار جان
.
.
جدّیم پیمبردن سورا ای کان عصمت
قویمادیلار اوچگون سنه دنیاده حرمت
یاندیردیلار درگاهوی اهل عداوت
یانّام آنا جان تا جاندا وار جان
.
.
یاندی قاپون سندی قولون گتدی جلالون
گوز یاشون آخدی صورته آرتدی ملالون
یتدی سپهر عمرده گون تک زوالون
یانّام آنا جان تا جاندا وار جان
.
.
قالدون در و دیوار آراسندا مُبَرهَن
سقط اولدی آخر محسنون یاندون آنا سن
ریحانۀ پیغمبری سولدوردی دشمن
یانّام آنا جان تا جاندا وار جان
.
.
گئتدون اؤزون قورتولدون ای رخشنده کوکب
قالدی یرونده نایبه بیچاره زینب
محنت کش عالم اولور زینب مُلقّب
یانّام آنا جان تا جاندا وار جان
.
.
دشمن الینده سن چکوبسن جور و بیداد
منده آنا شمرون الیندن ایلرم داد
ظلمتده چوخ طغیان ایدر اُول کینه بنیاد
یانّام آنا جان تا جاندا وار جان
.
.
شرم ایلمز شمر ستمگر مصطفادن
چکمز آنا ال کینه و جور و جفادن
تشنه کسر اوغلون حسین باشین قفادن
یانّام آنا جان تا جاندا وار جان
.
.
«صحاف» قیل زهرا غمینده آه و ناله
توک اشگ چشمون آغلا بات درد و ملاله
زینب دلینجه بیرده سن گل بو مقاله
یانّام آنا جان تا جاندا وار جان
.
.
#فاطمیه #صحاف_تبریزی #فاطمیه_شهادت #ترکی #زبدةالاشعار
نظر دهید