مجلس یزید ملعون
..
..
..
#سبک_ساخلا_ناقه_می و … ( 8 سبک سینه و زنجیر ) … گل اتاقی بیر خلوت ایلیاق … گئتمرم دایان گئتمه ساربان … نقش من چرا … و …
..
..
..
..
رضوی زنجانی
..
..
..
..
..
ای یزید بی شرم و بی حیا
ویرما تشنه لب شاهه خیزران
قورخوشور اوشاقلاری آغلاشور
اول شهین لبیندن ویران زمان
هی باخار اوشاقلار ، خیزرانه آغلار
اهلبیت طاها ، یانه یانه آغلار
..
..
..
..
..
ویردیقیجا اول شاهه خیزران
لرزیه بو کون و مکان گلور
مستیسن بو گون یعنی بیلموسن
نالیه زمین و زمان گلور
خشک اولان دوداقلاره خیزران
دَیدیقیجه اول طشته قان گلور
قیزلاری باخان وقته اول باشا
سس چکوب ائدور بزمیده فغان
هی باخار اوشاقلار ، خیزرانه آغلار
اهلبیت طاها ، یانه یانه آغلار
..
..
..
..
..
رأس انوری ویردیقیجا سن
سس چکور بو عالملر آغلاشور
قان گلنده طشت ایچره وای دیور
اهل آسمان یکسر آغلاشور
بو حالا باخور واحسین دیوب
عترت شه محشر آغلاشور
آغلاشولّا معناده بو غمه
ختم مرسلین میر مؤمنان
هی باخار اوشاقلار ، خیزرانه آغلار
اهلبیت طاها ، یانه یانه آغلار
..
..
..
..
..
آتش غم و غصه دن بو گون
یاندی قلب زار بابام رسول
اهل بیت طاهایه ای یزید
گوز داغی وروب ایلدون ملول
حشریده جوابین ندور حقه
شِکوه ایلینده آنام بتول
ظلمین ایلدی اول حبیبه نین
دردینی گران قامتین کمان
هی باخار اوشاقلار ، خیزرانه آغلار
اهلبیت طاها ، یانه یانه آغلار
..
..
..
..
..
هندۀ جگرخواره اوغلوسان
ساکت اول ایا بی حیا یزید
پیکر فجور و خباثت و
اهل کفر و اهل جفا یزید
سنده یوخدی بیر ذرّه جه شرف
بی شرفسن اهل ریا یزید
اهل بیته ظلم ایلدون بو گون
آسمانه ظلمین وئروب تکان
هی باخار اوشاقلار ، خیزرانه آغلار
اهلبیت طاها ، یانه یانه آغلار
..
..
..
..
..
دوغریوبدی ظلمین سنون یزید
کربلاده بیر ماهپاره می
اوخلیوبدی اندیشۀ بدون
اصغر ایشیقلی ستاره می
نینواده بیر حاله تشنه لیق
سالمیشیدی اول شیرخواره می
بیر سولان گلون برگینه او گون
باتمیشیدی اوخ، مثل بیر تیکان
هی باخار اوشاقلار ، خیزرانه آغلار
اهلبیت طاها ، یانه یانه آغلار
..
..
..
..
..
اول جوار پاک حسینیده
قسمتیم منیم اولمادی قالام
دخت حیدرم یعنی زینبم
جانیوه بو گون گلدیم اود سالام
نینواده یکسر ئولنلرون
انتقامینی گلمیشم آلام
نهضت حسینی جهانیده
ایلرم بو نطقیله جاودان
هی باخار اوشاقلار ، خیزرانه آغلار
اهلبیت طاها ، یانه یانه آغلار
..
..
..
..
..
تخت سلطنتدن ایا یزید
رشتۀ امیدین قیران منم
مشت آهنینی دهانیوه
مجلسینده ایندی ویران منم
ئوز قوناقلقیندا بو گون سنون
بو غروریوی سیندیران منم
مجلسینده خوار ایلرم سنی
لعن ائدر سنه هر زمان جهان
هی باخار اوشاقلار ، خیزرانه آغلار
اهلبیت طاها ، یانه یانه آغلار
..
..
..
..
..
ظلم کاخینی سالدی لرزیه
صولتیله بیر شیرزن سسی
دللره تکان وئردی بزمیده
زینبین او برّنده خطبه سی
شیر حق قیزی خوار ائدوب اوگون
اول یزید نادان و ناکسی
ای «رضوی» یازما توان یوخون
زینبین سؤزون ایلین بیان
هی باخار اوشاقلار ، خیزرانه آغلار
اهلبیت طاها ، یانه یانه آغلار
ای یزید بی شرم و بی حیا #مجلس_یزید_رضوی_زنجانی
نظر دهید