زبدةالاشعار

رقم رقیمده خامه یازاندا زهرادن #فاطمیه_حافظی_تبریزی

شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم #حافظی_تبریزی
.
رقم رقیمده خامه یازاندا زهرادن
خیالی وار گتوره سوز علی اعلادن
.
علی چکن غمی دنیایه قسمت ایله سلر
ئولونجه شاد اولان اولماز بیر اهل دنیادن
.
ایشیت روایت عمّاری عرضیمه شاهد
بیله بیانگر اولوب شرح حال مولادن
.
او گونکی حقّی علینون ستمله غصب اولدی
گوزونده گوندوزی تار اولدی لیل یلدادن
.
قاپوسی یاندی دوگولدی عیالی جبریله
شهید محسنی اولدی فشار اعدادن
.
گوروبدی صدمه خانم فاطمه مریض اولدی
یواش یواش مرضین شدتی سالوب پادن
.
خلاصه اولدی مقام شهادته نائل
او حالیله که یارالیدی نچه اعضادن
.
گیجیله دفن ایلدی نازنین جنازه سینی
دگولدی کامروا گر وصال زهرادن
.
اولوب ایوینده معزا نچه گیجه گوندوز
ایدوبدی رابطه سین قطع پیر و برنادن
.
ولی بیر عده منه اهل شهریدن دیدیلر
علی گورونموری عمار شهر بطحادن
.
اگرچه خانه نشیندی گینه دیردی گوزه
گیدوبدی یوخسا بیر آیری یره بو ماوادن
.
او دودمانه یولون وار سنون خبر بول گور
هارا گیدوبدی کسوب علقه زشت و زیبادن
.
اراده ایتدیم علینی تاپام دیر عمار
یتم حضوره تفحص ایدم قضایادن
.
مشرف اولدوم علی دودمانینه بیرگون
ایوین نماسی آپاردی منی تقاضادن
.
قیچیم سینیدی دیدیم کاش گلمییدیم من
غم عاید اولدی منه حدّسیز بو سودادن
.
آقام علینون ایله حالی حالیمی پوزدی
دولوپ گوزوم چیخا آز قالدی که شکیبادن
.
حسن صاقیندا صولوندا حسین اوتور موشدی
توکردی گوزیاشی رخساره چشم شهلادن
.
چکردی باشلارینا ال یتیمه قیزلارینین
اوپردی رأفتیله زلف مشک آسادن
.
ایله آنا تک آنا سیزلارا محبت ایدیر
باخاندا دیدهء دل حظّ ایدیر تماشادن
.
دیدیم خلاصه اونا مردمون دیین سوزونی
بولوردی گر چه اوزی ماجرانی اولادن
.
بیوردی ایلدون عمار دردیمی تازه
ساغالمیاندی اگر چه گیچوب مداوادن
.
یادوندا واردی وفات خدیجه کبرا
آلوب توانینی آلدی قرار طاهادن
.
پیمبر ایوده اوتوردی عزا دوتوب نچه گون
صبا و شام توکوب اشگ چشم بینادن
.
سنون کیمی منیده خلق اونا ایدوب مامور
تاپام پیمبری واقف اولام معمّادن
.
یتوب حضورینه اندوهه مبتلا گوردوم
منیده سالدی غمه حالت غم افزادن
.
دیدیم عم اوغلی فدا گوزلروه آز آغلا
توان آلیر غم و دردین سپهر مینادن
.
جواب ویردی علی سخت دور فراق نگار
مگر توجه اولا کردگار یکتادن
.
اولا خدیجه کیمی بالخصوص کان وفا
نیین دیوم اولا بیر قطره بلکه دریادن
.
فراق یاره پیمبر دوزنموری عمار
اونیله بیر دگولم گر چه هیچ زوایادن
.
اوزون حساب ایله زهرا هارا خدیجه هارا
ایکیسی بیر اولا بولمزله هیچ زوایادن
.
خدیجه نون قاپوسی یانمیوب کتک یمیوب
آغارمیوبدی قرا زلفی ظلم اعدادن
.
علاوه عمر طبیعی ایدوب معمر اولوب
گینه پیمبری حسرت اوخی سالیر پادن
.
دیوم بو مطلبی حق ویر منه که شاهدسن
گرک اولونجه یانام بو عزای عظمادن
.
ثقیفه اهلی جوان اولدوروبله زهرانی
اوزون حدیث مفصل اوخی بو ایمادن
.
ویرنده غسلونی نه چکمیشم بولور الله
نه یوز ویروبدی سوروش ماجرانی اسمادن
.
قاریشدی سینه سینین قانی غسلونون سوونا
سزادی آهیم اوخی گیچسه چرخ خضرادن
.
الیم قولوندا دگوب تازیانه لر یرینه
خجالت اولدوم او آزرده شاخ رعنادن
.
حیاسی عصمتی لطفی منی اوتاندیردی
دوزوب نه ظلملره قوم طبع سفلادن
.
منه کی محرمی ام ورمیوب نشان گوردوم
نشان ویرور ولی بیر سرّی وار او اخفادن
.
منیم رعایت ایدوب حالیمی وفاسیندن
گوروبکه چوخدی غمیم حدّ و حصر و احصادن
.
گوزومده اود دیسن پارلادی گورنده گوزون
مزین آق گل اولوب رنگ زرد و حمرادن
.
بو نظم شعره سخندان اولوب سبب یازیلوب
تشکرایله همیشه او مرد دانادن
.
ریاست اوسته بلی آدلاری مسلمانلار
اولولا #حافظی ادنا یهود و ترسادن
.
#فاطمیه_شهادت
#رقم_رقیمده_خامه_یازاندا_زهرادن
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دیوللر بو گیجه طولانی شبدی لیل یلدادی #مهدیه_زلفی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی