زبانحال حضرت زینب (س) در شهادت پدر
.
#زبدةالاشعار
.
: @nohe_torki
.
مرحوم میرزا محمد تقی ولادی (وافی تبریزی)
.
بابا درد فراقوندان سنون بو باغرى قان زینب
ئولنجه وار یری قیلسا مدام آه و فغان زینب
بابا بو باغرى قان زینب
.
.
عجب قید ملالندان دِلی ایتمشدیم آزاده
سنیله شادیدیم هر آن بو محنت خانه دنیاده
کول اولدی باشیمه سنسیز بو دار حیرت افزاده
گونی قاره گوزی یاشلی قالور شیون کنان زینب
.
.
عزیز دهردیم اما عجب آخرده خوار اولدوم
سن ئولدون عزّتیم گیتدی پریشان روزگار اولدوم
گرفتار غم و درد و اسیر آه و زار اولدوم
چتین بو بار محنتدن تاپا بیر آن امان زینب
.
.
ئولونجه توکمسون غمدن نجه رخساره گوز یاشی
اولوبدور مبتلا مین مین بلایه غملو بیر باشی
انیسی غم ، ایشی محنت ، فغان و ناله یولداشی
یری وار توکسه گوز یاشی یرینه لخته قان زینب
.
.
گوگل بو آتش غمدن دوتوب اود گور یانوب سونمز
عبادتگاهوی خالی بابا زینب گوره بولمز
بابا بوجان ئوله ،بلمم آتاسیزلار ندن ئولمز
ئولیدی گورمییدی بو گونی کاش الامان زینب
.
.
سنون بو محنتون گتدی بابا عالملری درده
توکنمز دردیمی منده دیوم قوی پرده به پرده
بابا سندن صورا دست جفای شمر کافرده
پیاده قولّاری باغلو اولی شامه روان زینب
.
.
یتنجه شامه هر ساعت بابا عریان دوه أسته
وورالّارباشیمه قمچی چوخ اولّام زار و دلخسته
یتوب ویرانه ده اولّام اگرچه ظاهراً رسته
ولی ویرانه دردیندن چکر دائم فغان زینب
.
.
نه ویرانه بابا بنزر دیمم بیر گنج زندانه
قوجاقلوب دیزلرین هریان ،گلور هر بیکس افغانه
کیمی جدّا دیر کیم وا اخا سویلر گلور جانه
کیمی سویلر یوخوم گلمور ، آجام ای مهربان زینب
.
.
رقیّه نسگلی یاددان چخاردور هر غم و دردی
او طفلون غملری هر بیر ملالیمله برابردی
دیرعمّه ندن بو یر بیله بی سایه گستردی
نولوب اوز خانه میز اولدوخ بیله بی خانمان ، زینب
.
.
آچاندان قولارین قمچی یرین هر آن نشان ویرسون
گوگول ایستر که صبر ایلوب دوامِ جاودان ویرسون
گوزوم گورسون،گوزوم نوری قوری یرلرده جان ویرسون
اونا باخدوقجا اودلانسون حیاتیندن دویان زینب
.
.
نقدری «وافیا» قیلسان عذاره گوزیاشون جاری
خلوصون اولسا زینبدور ، او گوز یاشون خریداری
اولا هرکیمسه صدقیله بو شاهون گر عزاداری
اونی محشر گونی قویماز قالا نالان ، اینان زینب
.
.
#حیدریه_وافی_تبریزی
#حیدریه_شهادت
#بابا_درد_فراقوندان_سنون_بو_باغرى_قان_زینب
#ترکی
.
#زبدةالاشعار
.
: @nohe_torki
متن های پیشنهادی برای شما
غربتده جان وئرور بو معصومه قارداشیم گل #حضرت_معصومه_شوری_تبریزی
زبانحال حضرت معصومه سلام الله علیها . . #سبک_احوالیمیز_یاماندی … بیش از 10 سبک . . مرحوم میرمحمود آقا شوری تبریزی . . غربتده جان وئرور بو معصومه قارداشیم گل ذکریم رضا رضا دور گوزده بو گوز یاشیم گل . . آیریلمیشامبیشتر
غم پیغمبر ایدوب غرق محن فاطمه نی #فاطمیه_لاادری
حضرت زهرا سلام الله علیها . زبدة الاشعار . : @nohe_torki . شاعر؟؟؟ . #سبک_یارالی_جان_یارالی … 4 سبک . غم پیغمبر ایدوب غرق محن فاطمه نی یخدی ظلمیله یره چرخ کهن فاطمه نی . تاپشوروب امته جان اوسته پیعمبر بوبیشتر
بیله یازوبلا خارج شهر مدینه ده #ورود_مدینه_خوندل_تبریزی
ورود اهل بیت به مدینه . #زبدةالاشعار . : @nohe_torki . مرحوم خوندل . بیله یازوبلا خارج شهر مدینه ده بیر ماجرا که واردی لزومی کتابته . غم کاروانی اوردا که تا ایلدی نزول بیر عده پیشوازہ گلوب قصد قربته . چوخلاربیشتر
نعش حسینی تاپدی چون علیا مکرّمه #کوچ_کربلا_سعدی_زمان
زبانحال علیا مکرمه عقیلةالعرب در قتلگاه . #زبدةالاشعار . : @nohe_torki . #سبک_دل_شب_ایلیوب_سفر … 4 سبک . مرحوم سعدی زمان . نعش حسینی تاپدی چون علیا مکرّمه درد دل آچدی عالمۀ بی معلّمه . شاه بیت : . دور ایبیشتر
اولموش فرات اوستنده شور محشر #عباسیه_فانی تبریزی
شجاعت حضرت ابوالفضل (ع) .. .. .. .. عباس داداش زاده (فانی تبریزی) (1) .. .. .. .. اولموش فرات اوستونده شور محشر دورت مین قوشون بیر شیرلن برابر .. گویا قیامتدور بوتون عوالم آشوب و غوغادن دولوب سراسر .. بیر سمتده سرداربیشتر
گینه گلدی آقامون آدی گلوب غم سینمه #تنورخولی_آسال_اردبیلی
احرام عزا #گریز #تنور_خولی . زبدة الاشعار ?: @nohe_torki . نوید آسال اردبیلی . گینه گلدی آقامون آدی گلوب غم سینمه نصب ایدم ایندی گرک پرچم ماتم سینمه وار یری ویرسام اگر عشقیله محکم سینمه هرگلن وقته حسین آدی گلوربیشتر
نظر دهید