زبانحال حضرت رقیه (ع)
از ناقه افتادن
.
✍️ #زبدةالاشعار ✍️
.
🆔: @nohe_torki
.
محیر اردبیلی
.
بابا دوشدی نظروندن بو نظر کرده قیزون
قالوب آواره قرانلوق گجه چوللرده قیزون
.
.
ندی جرمیم منه یوللاردا عزا ساخلاموشام
ناقه اوستونده همیشه اوجادان آغلاموشام
.
.
امر واضحدی بو، بیر قافله کوچ ایتسه اگر
گیتسه هر بیر طرفه یولدا اونون ردّی دوشر
کیم دالى قالسا همین ردّی دوتوب تز یتیشر
گون گیدوب مغربه آثاری چکلیمیش گونوزون
من تاپوم ردّوزی هاردان بو قرانلوقدا سیزون
.
.
قیز اوشاقی گیجه چولده تانیماز صاق و صولی
قاچورام هر طرفه گوزلریم اشکیله دولی
حیف اولا مقصدیمون بیلمورم هارداندی یولی
قورخودان رعشه دوشوب جسمیمه رنگیم سارالوب
سیز کی گئتدوز منیم ایندی ایشیم اللهه قالوب
.
.
.
هله بیلمم گلجکدور نه بلالر باشیما
الیم آیا یته جک بیرده آنا قارداشیما
وار فقط ایندی امیدیم بو آخان گوز یاشیما
مونسم گوز یاشیمیلان اوجالان آهیمیلن
بو گجه راز و نیاز ایلرم اللهیمیلن
.
.
ندی چارم منه بیر حادثه یوز وئرسه اگر
قدرتیم یوخدی اوزومدن ایلیم دفع خطر
اوچ یاشیندا قیز اوشاقینون الیندن نه گلر
اجلیم باشه یتوبدور بئله بیلّم بو گجه
گلمه سه عمّه لریم دادیمه ئولّم بو گجه
.
.
امر مشکلدی دگه تیر مرامیم هدفه
مقصدیم بللی دگل من گئدوم هانسی طرفه
تانسیدیم قییدردیم ایله بوردان نجفه
دردیمه آگه ایدردیم او شه ممتحنی
اینجیوبسوز سیز او ساخلاردی پناهنده منی
.
.
یوخیدان اولمادی بیر کس منی بیدار ایله سون
کاروان کوچ ایلین وقته خبردار ایله سون
فلک ایستر منی هر یرده گرفتار ایله سون
تیر وحشت یارالی قلبیمی آز قالدی بوله
نهر علقمده که بختیمدن اوزاقدور بو چوله
.
.
اینجیدوز ناله سسیمدن منیم ای شاه انام
او قدر آغلادیم اولدی سیزه راحت لیک حرام
ولی عهد ایلیورم گر بو بلادن قوتارام
قویارام باشیمى قوش تک بابا زیر پریمه
سیزی اینجیتمرم آند اولسون على اکبریمه
.
.
دیمورم گلشن نازونده گل یاسمنم
قورخولی قیزلاریلان منده شریک محنم
اکبرین اوخشیانی، اصغره لایلای دییَنم
بو ایکی قارداشیما چوخدی علاقم هوسیم
دینمرم شامه کیمین شمره آجیق گلسه سسیم
.
.
غم هجرانی بو اودلی اورگیمدن گوتورون
نه آلون سیز منی آغوشه نه یولدا ایتورون
فقط اللهه گوره سیز منی شامه یتورون
یتوروم منزل ویرانه ده مقصوده سیزی
هم اوزوم دینجه لیم هم ایلییم آسوده سیزی
.
.
سیز بابا اینجیمه سیدوز منِ بی کسدن اگر
کوچ ایدن وقتیده عمّم منه ایلردی خبر
بیلمیرم هئچ نیه مندن ایله دی صرف نظر
زحمتیم عمّه لریمه منیم حتماً چوخوموش
ائله بیلّم منه محملده بابا یر یوخوموش
.
.
سنا بیر خوردا قیزون قلبی چتیندور دوزله
اولا مفقود، آتاسی تاپماقا ایلر عجله
قورخورام دادیمه سن گلمیه سن زجر گله
یوزیمه سیلی وروب طاقتیمی الدن آلا
باغلیا قوللاریمی قمچی قباقینه سالا
.
.
بیلورم گلسه او ظالم منی دلدن سالاجاق
یوزیمه سیلی ورانلار ایشیدوب کام آلاجاق
میّتیم سن کیمی چوللرده کفن سیز قالاجاق
بیرده بو چولده گلوب آختارانیم اولسا منیم
خس و خاشاک آراسیندان تاپولار گل بدنیم
.
.
ای رقیّه خانیم ای نو گل گلزار وفا
ساخلیوبدی بو «محیّر» سنه مدّتدی عزا
سیزى الله ایکی دنیاده ایدوب بحر عطا
قاپوزون نوکریم ایلمیون خوار منی
تاپشور عباس عموا یازسون عزادار منی
.
.
.
.
✍️ #زبدةالاشعار ✍️
.
🆔: @nohe_torki
.
نظر دهید