وداع حضرت اباعبدالله الحسین (ع) با حضرت صغری (س)
.
.
#سبک_یارالی_جان_یارالی … 4 سبک
.
مرحوم میرزا صادق بیضاء اردبیلی
.
.
باباوی ایله دعا قانلی بیابانه گئدر
وعده وصل وئروب مجلس جانانه گئدر
.
.
من وداع ائتمگه گلدوم سنی بیمار قزیم
کوفه و شام و عراقه سفریم وار قزیم
بوندان آرتوخ وئره بیلمم سنه اخبار قزیم
نینه شمعون اودونا یانماغا پروانه گئدر
.
.
مژده وئرمیش بو گئجه گئتمه لییم قاصد یار
کربلا آدلی چوله چکمگه قانیمله حصار
ای مریضه قیزیم آرتار مرضون آغلاما زار
یثربون شاهی قویوب یثربی ویرانه گئدر
.
.
قویمادی دشمن اولام کعبه ایوینده ساکن
ایستدیلر توکلر تپراقا الله قانین
او مبارک قانا الله ائلیوب یئر تعیین
که او یرده بله شور عهد ائلین قانه گئدر
.
.
فرقتون قویمادی قالسون بابا جانیمده توان
علی قارداشیما تاپشور منی باری بابا جان
من ئولنده گوزیمی باغلاسون آخر او جوان
جان وئرن وقتیده باخماز منه بیگانه گئدر
.
.
گوزینون یاشینی جاری ائدیر هر صبح و مسا
اوغلنی اولماز آیرماق آناسیندان اصلا
اکبرینی قویوب آخر نئجه گئتسون لیلا
اورگی بنددور اول طُرّۀ افشانه گئدر
.
.
عموم عبّاسی بابا قوی قالا یانیمدی منیم
مونس و یاریم اولا سخت زمانیمده منیم
گوره سن یوخدی توانا بابا جانیمده منیم
نئجه گلمز عمومون رحمی بو نالانه گئدر
.
.
عمون عباس علمداریدی بو لشگریچون
پاسباندور گوروسن عترت پیغمبریچون
اودی سقا اودی یاور من بی یاوریچون
سو تدارک ائده بو اصغر عطشانه گئدر
.
.
یا بی بیم زینبه تاپشور منی نالانی آپار
یا آنام لیلینی قوی زینب نالانی آپار
یا اولار گئتمه لی دور باجیمی ایله منه یار
اونیلان بلکه بو غم رشته سی بیر یانه گئدر
.
.
ناخوشون عمه بیلورسن که پرستاری اولار
آناسی قارداشی یا خواهری یا یاری اولار
قویمیون تک منی ، گوز یاشی یوزه جاری اولار
هانسی بیماری قویار ساکن بیر خانه گئدر
.
.
من دییردیم که منیمده اوجا باشیم وار
وار بابام هم وار آنام هم باجی قارداشیم وار
باشیمون چوخدی بلاسی اگر آز یاشیم وار
آرزیلار بیر بیر اورکده هامی طوفانه گئدر
.
.
ناز ائدردیم گجه گوندوز من علی اکبریمه
شاد اولاردیم باجیما گاهی علی اصغریمه
عموم عباسیمه گه عونه گهی جعفریمه
قاسیمم طوی گونی ایندی نیه میدانه گئدر
.
.
یازدی «بیضا» بو غمی غملرین افزون ائتدی
آغلادی گوز یاشینی مظهر جیحون ائتدی
یازدی افسانه عشقی ئوزین افسون ائتدی
نئجه صغرانی سالوب بحره بو افسانه گئدر
.
.
.
.
.
#خروج_مدینه
#حضرت_صغری
#باباوی_ایله_دعا_قانلی_بیابانه_گئدر
#بیضا_اردبیلی
#ترکی
.
نظر دهید