باتما ایشقلی قمریم اباالفضل ابالفضل #عباسیه_معزی_اردبیلی

شهادت حضرت عبّاس (ع)
زبانحال امام در بالین
..
..
#سبک_ای_منی_آواره_قویان
..
..
مرحوم معزی اردبیلی
..
..
باتما ایشقلی قمریم اباالفضل ابالفضل
تشنه قالوب صودامریم اباالفضل اباالفضل
..
..
سنده واریمش نقدر شجاعت شجاعت
پوزمیوب احوالووی هیچ جراحت جراحت
سنده نمایاندی گنه شهامت شهامت
عاشق زیبا سیریم اباالفضل اباالفضل
..
..
وردی اوخی اهل دغا گوزوندن گوزوندن
آخدی یوزه اشک عزا گوزوندن گوزوندن
دوشدی بیله آلعبا گوزوندن گوزوندن
بندۀ خلاق کریم اباالفضل اباالفضل
..
..
جلوه لنور نور خدا یوزوندن یوزوندن
صحبت ایله حظّ آپاروم سوزوندن سوزوندن
بوسه وروم قوی یارالی گوزوندن گوزوندن
یاندی غمونده جگریم اباالفضل اباالفضل
..
..
اکبریدى اللّریمون عصاسی عصاسی
ئولدی آزالدی گوزیمون ضیاسی ضیاسی
قارداشیمی یخدی عدو جفاسی جفاسی
سندی ستملن کمریم اباالفضل اباالفضل
..
..
یاندرور عالملری هر نگاهیم نگاهیم
خالق یکتا اوزیدور گواهیم گواهیم
تشنه لب اللرده ئولوب سپاهیم سپاهیم
زنده قالور بیر نفریم اباالفضل اباالفضل
..
..
ایسته میشم دلده منیم داغ اولسون داغ اولسون
بوردا باغیم غم گتورن باغ اولسون باغ اولسون
ایتدون عمل عهده یوزون آغ اولسون آغ اولسون
گنج وفاده گهریم اباالفضل اباالفضل
..
..
قوللاریووى سالدى عدو بدندن بدندن
دوتدی شراره اورگیم گورندن گورندن
آغلیورام مقتلووه گلندن گلندن
ویرمور آمان اشگ تریم اباالفضل اباالفضل
..
..
وای اورگیم یاندی سنه دیدیم من دیدیم من
رجعت اخیامی گرک ایدیم من ایدیم من
خیمیه سن سیز نجه بس گیدیم من گیدیم من
گوزلور هامی وار خبریم ابا الفضل اباالفضل
..
..
خیمه لریمده گیدرم دایانام دایانام
پرچمووی الده دوتوب دولانام دولانام
کیم سنی مندن سوروشار اوتانام اوتانام
قویما سنا بال و پریم اباالفضل اباالفضل
..
..
#عباسیه #معزی_اردبیلی #عباسیه_شهادت #ترکی #زبدةالاشعار