زبانحال حضرت زینب سلام الله علیها در حال احتضار
.
✍️ زبدة الاشعار ✍️
.
🆔: @nohe_torki
.
سبک :: منیم ای تشنه قربانیم … بزن بر سینه و بر سر … ئوزوم گوردوم … حسین تعجیلیلن گیتمه … خداوندا الیم بوشدی …
.
حاج رحمان #شاجری_زنجانی
.
باجون زینب بوغربتده
وئرور جان گل حسین قارداش
سنی چوخ گوزلورم قلبیم
اولوب قان گل حسین قارداش
آدامسیز قالمیشام/کمکسیز قالمیشام
.
.
یانیمدا یدّی قارداشدان بیری یوخدور غریبم من
آدامسیز قالمشام دلده یارام چوخدور غریبم من
فراقون سینمه اوچ شعبه لی اوخدور غریبم من
او اوخلی سینوین قربانی بوجان گل حسین قارداش
.
.
ئولنده باجینون اطرافینی قارداشلاری آلسا
بجادی باشینون اوسته بیری صبحه کیمی قالسا
اونی آخر نفسده دوندروب یوز قبلیه سالسا
منیم که هئچ کسیم یوخ بوردا الان گل حسین قارداش
.
.
قوجالدیم شامیده قدیم بوکولدی گوزلریم گورمور
منی غربت ولایتده حسین هئچ کیمسه دیندیرمور
داخی بوندان علاوه قالماقا فرصت اجل وئرمور
گئدوب تحلیله جسمیم زار ونالان گل حسین قارداش
.
.
یوروبدی آیریلیق دردی ایاقدان دوشموشم قارداش
سنی بو آخر عمریمده بیر دفعه گوریدیم کاش
ئوپیدیم گل جمالون غملریمی ایلیدیم فاش
اورکده حسرتیم قالمازدی بیرآن گل حسین قارداش
.
.
بو قانلی کوینگی رسم امانت ساخلیوب زینب
نچه مدتده باخدوقجا اونا دل داغلیوب زینب
یانوب قلبی توکوب اشگین همیشه آغلیوب زینب
اونی سال یاده قویما ائتسون افغان گل حسین قارداش
.
.
حسین سن گلمسن بوردا منی بس کیم سالار یاده
گل ایله محبس غمدن باجون آزاد ای آزاده
باجون جان اوسته دی قارداش گوزون قربان یتش داده
اوخی سن باشیمون اوستونده قرآن گل حسین قارداش
.
.
گلن یولّاره قربان ای شه آزاده ایثار ائت
گلنده شامه نهر اوسته اباالفضلی خبردارائت
بویور دور سنده حاضر اول گئداخ بیماری دیدار ائت
مریض عشقیوم حالی پریشان گل حسین قارداش
.
.
#سبک_علی_اصغر_مه_انور … بیش از 7 سبک سینه و زنجیر
.
#زینبیه_شهادت
#باجون_زینب_بو_غربتده_وئرور_جان_گل_حسین_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید