زبدةالاشعار

باجون شمع وصالونده یانان پروانه دور قارداش #راه_شام_حسنی_تبریزی

زبانحال سکینه خاتون در راه شام
بسر برادرش
.
✍️ #زبدةالاشعار ✍️
.
🆔: @nohe_torki
.
حاج حسین حسنی افشرد
.
باجون شمع وصالونده یانان پروانه دور قارداش
بو یانماق عادت پروانه دور پروانه دور قارداش
.
.
گورنده جور دشمن گل کیمی قارداش خزان اولام
گلر درده اورک ابر بهاران تک اودور دولّام
یارالى باشوی گورّم جداده زلفومی یولّام
الیم زلفومله هم صحبت اولان بیر شانه دور قارداش
.
.
بو یولدا باشون آردنجا ئولونجه من قدم ویرام
ایاقیم آبله اولسا گنه فکر ایلمه دورّام
دیار شامه دین گلّم طلسم شامی سندرّام
منیم آخر یریم شام ایچره بیر ویرانه دور قارداش
.
.
ایدوب عشقون من مجنون سالوبدی چوللره بیر باش
یازار یوزده سرشگیم غملریمی فاش ایدر قارداش
او قدری آغلارام تا که گلر گوزدن یوزه قانیاش
سرشگیم دانه دانه سبحۀ صد دانه دور قارداش
.
.
ز بس طوفان ایدوب اشگیم سالوبدی حیرته نوحی
منیم تک بیر باجی کیمدور قالا جسمی گیده روحی
گزه محملده جسمی نیزه لرده روح مجروحی
سنون مجنونووم هر کس دیسه دیوانه دور قارداش
.
.
سرشک دیده می بیر سبح تک رخساریمه دوزدوم
گیدوب روحیم قالوب تک جسم زاریم بس نجه دوزدوم
گئدنده قتلگاهه سن او گون روحیمدن ال اوزدوم
جدالر باشی ایندی روحیمه کاشانه دور قارداش
.
.
باجون خواهش ائدر هر نه گوزون چوخ ناز ایدر قارداش
اوچوب روحیم جدالر باشینه پرواز ایدر قارداش
قوروب دام بلا خالون اونی پیشواز ایدر قارداش
سیه خالون منه هم دامدور هم دانه دور قارداش
.
.
دیار شامه دین گلدیم دالونجا شهر بطحادن
اجل گلمور ندن دویدوم داخی قارداش بو دنیادن
یاخون اولسون وفاتیم ایسترم من حیّ یکتادن
فراقوندا نیدیم دنیا منه غم خانه دور قارداش
.
.
روا بلبل دگول حسرت چو من سن تک گله قالسون
آرامزدا نه اولدی بیر جداجن فاصله قالسون
مفصّل صحبتیم سنلن خرابه منزله قالسون
دولوب اشگیله گوز جامی دولان پیمانه دور قارداش
.
.
دگوب شیر خدا تک باشوه بیر یاره حیف اولسون
باشون عیسی کیمی اعدا چکوبلر داره حیف اولسون
منیم تک عاشقه سن تک علی جان یاره حیف اولسون
هر ایکی عاشق و معشوق اولان دردانه دور قارداش
.
.
منیم تک بیر نفر اولسا اگر بیچاره وورمازلار
یارالی سینه سینه یاره اوستن یاره وورمازلار
باشین معشوقینون عاشق یانندا داره وورمازلار
حقیقتدور گورور دیده م و یا افسانه دور قارداش
.
.
نجه خوناب دل گوزدن یوزیمه گور منیم آخماز
نجه آهیم شراری ماسوانی یاندروب یاخماز
عجب بو ساربانیم سنگ دل دور ناله مه باخماز
نه شِکوه ایلیوم اوندان سنه بیگانه دور قارداش
.
.
على مقراض غم بو رشتۀ صبری کسر تترر
قویوبدی قمچیلر از بس وجودیمده اثر تترر
باجونون گوگلی قارداشدان اوتور قارداش اسر تترر
مثال شمع اولار قارداش باجی پروانه دور قارداش
.
.
#راه_شام_حسنی_تبریزی
#اکبریه_شهادت
#باجون_شمع_وصالونده_یانان_پروانه_دور_قارداش
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  على جداده باشون سیر ایدر بیابانی #راه_شام_عبداله_اصلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی