«زبانحال امام با خواهرش در سوگ طفل شیرخواره »
.
✍️ زبدة الاشعار ✍️
?: @nohe_torki
.
محمد علی مصیبی تبریزی
.
سبک ها : سن آغلوسان من دؤزنمورم … خداحافظ ای آنام باجی…
.
باجی بو قربانی مندن آل
قدّیمی اگور اصغر
آناسینه وئر خبر ئوزون
دای سوسوزدگور اصغر
.
.
.
سوسوز بالام آغلامور داخی
گولماقین نشان وئردی
سو ایستیَنده جواب اونا
تیریلن کمان وئردی
سه شعبه بیر اوخلا حرمله
سو یرینه قان وئردی
آناسینه وئر خبر ئوزون
دای سوسوز دگور اصغر
.
.
.
او اوخ کی دگدی بوغازینه
شاهکار فنّی دی
بیر اوخدا اوچ اوخ مکان تاپوب
نه خیال و ظنّیدی
منی بونیسگیل چوخ آغلادور
اوخ بوغازدان اننی دی
آناسینه وئر خبر ئوزون
دای سوسوز دگور اصغر
.
.
.
یقیندی پستانه اوخشادوب
نوک تیز پیکانی
اموبدی پیکان دمین بالام
ایچدی قرمزی قانی
باجی قوجاقیمدن آلگیلن
دوغرانان بو قربانی
آناسینه وئر خبر ئوزون
دای سوسوز دگور اصغر
.
.
.
دئدیم کی لشگر؛گلوب سیزه
اون گئجه قوناق اوغلوم
وُروبلار اوخ گول بوغازینه
ایله دی محاق اوغلوم
سوسوز بالیق تک او حالیده
چالدی ال ایاق اوغلوم
آناسینه وئر خبر ئوزون
دای سوسوز دگور اصغر
.
.
.
دگنده اوخ گولدی گول بالام
سالدی قلبیمه بیداد
کی یعنی یاخشی سو وئرمیسن
ای شهنشه اوتاد
آناما قیترگیلن منی
جان بابا ائوین آباد
آناسینه وئر خبر ئوزون
دای سوسوز دگور اصغر
.
.
.
سپنده قانین گویه باجی
لرزیه دوشوب گویلر
چیخوب تماشایه قدسیان
اشکیلن دولوب گوزلر
قییتمه دی قانی یرلره
اولدی گویلره زیور
آناسینه وئر خبر ئوزون
دای سوسوز دگور اصغر
.
.
.
دان اولدوزوم برج عشقیده
عاقبت آخوب باتدی
سه شعبه اوخ چالدی لای لایین
دینجلوب بالام یاتدی
دگنده اوخ تا گولوب بالام
عرشیانی آغلاتدی
آناسینه وئر خبر ئوزون
دای سوسوز دگور اصغر
.
.
.
آپار بونون اوخ دگن یئرین
باغلا خیمه ده ، گیزلین
دئنن وفالی سکینه مه
باشدان آت بونون فکرین
صورا آپار پشت خیمه ده
ایله نعشینی تدفین
آناسینه وئر خبر ئوزون
دای سوسوز دگور اصغر
.
.
.
اسوبدی صرصر بوگلشنه
غنچه گوللری دَردی
سولوب سارالمیش او گوللری
گون قباقینه سَردی
سالوبدی سسدن بالامی اوخ
حرمله ایشین گوردی
آناسینه وئر خبر ئوزون
دای سوسوز دگور اصغر
.
.
.
ال ئوزدی جاندان سوسوز بالام
باب عشقیدن گئچدی
او اوچ پر اوخ گول بوغازینی
باش باشا اونون بیچدی
آتوبدی باشدان سو فکرینی
لخته لخته قان ایچدی
آناسینه وئر خبر ئوزون
دای سوسوز دگور اصغر
.
.
.
«مصیّبی» گوستروب منه
سینه یاندیران عشقین
گلوب منیم بارگاهیمه
تا وئره نشان عشقین
بومطلعی یازدی،فاش ائده
عترته اولان عشقین
آناسینه وئر خبر ئوزون
دای سوسوز دگور اصغر
.
.
.
#سبک_خداحافظ_ای_آنام_باجی …
.
#اصغریه_شهادت
#باجی_بو_قربانی_مندن_آل
#مصیبی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید