زبانحال حضرت حسین (ع) در شهادت حضرت قاسم
.
#زبدةالاشعار
.
: @nohe_torki
.
#سبک_سو_یوخومدی_قزلاروندان …
.
.
مرحوم معزی اردبیلی
.
باجی قان حنا یاخویدور الینه مناده قاسم
خبر ایله اهل بیته یتشوب مراده قاسم
.
.
یانورام غمه نشان ستم زمانیم من
سارالان گولون چمنده باجی باغبانیم من
چخوب اکبریم یادیمدان ایله باغریقانیم من
باشی اوسته ناله سیندہ سالوب اود نهاده قاسم
.
.
دیمیشم سحر چاقندان شهدا مسائلیندن
الامان چکوبدی زهرا بو یارالی قاتلندن
سوروسون مناده محکم یاپیشیبدی کاکلندن
قومون أوسته اینجیوبدور باجی فوق العاده قاسم
.
.
یتیشن دگل شماره غمومون حسابی زینب
گینه اشقیا سارالدوب گل بوترابی زینب
ایله سون آناسی نفرین سپه عذابی زینب
آلیشوب عدو الینده شرر جفاده قاسم
.
.
بیلورم چادردا هرآن توکر اشک تر آناسی
بالاسین گوره خبر ویر باجی دربدر آناسی
یاریا گوزل بدنده ایله سون نظر آناسی
جدله گیدوب سواره قییدوب پیاده قاسم
.
.
دیدیلر سریه گلدی یارالی بالانی گوردی
الى قلبی اوسته پرپر گل مجتبی نی گوردی
توکوب اشگینی بدنده ورولان یارانی گوردی
گوزون آچ دیدی دوزوم یوخ من بینواده قاسم
.
.
سنی جان تک ایستورم من بیلوسن صفالی اوغلوم
دوزه بیلمرم کی اولسون بدنون یارالی اوغلوم
ایله بیل ئولونجه سندن دوشورم آرالی اوغلوم
آنا سسله سسلنیم جان گنه کربلاده قاسم
.
.
نجه استقامتون وار قوشونا نشان ویروبسن
قاچا قاچدا ابن سعدون اوزینه تکان ویروبسن
منه بسدی بومصیبت قومون اوسته جان ویروبسن
شه تشنه قویمیوبدور قالاسان آراده قاسم
.
.
#قاسمیه #معزی_اردبیلی
#قاسمیه_شهادت
#باجی_قان_حنا_یاخویدور_الینه_مناده_قاسم
#ترکی
.
#زبدةالاشعار
.
: @nohe_torki
نظر دهید