زبدةالاشعار

باشی سر نیزه ده ناز ایلدی رقصان اولدی #حسینیه_محمد_وهابزاده

در حالات قتلگاه امام حسین و اشاره به رأس بریده بر روی نیزه و راز و نیاز آن حضرت با پروردگار بی همتا
.
✍️ #زبدةالاشعار ✍️
.
🆔: @nohe_torki
.
محمد وهابزاده (عیّار) اردبیلی
.
باشی سر نیزه ده ناز ایلدی رقصان اولدی
طنطنه دهره سالوب قانینه غلطان اولدی
.
.
مقتلی عرشی تحیّرده قویان بیر حاجی
ذبح اعظم باشی پیکر سیز ائدوب معراجی
ائله سرمستیدی دوغراندی اولوب حلّاجی
بیلمورم پیر مغان هانسی شرابیندن ایچوب
نشئه لیک عالیمینون بادهء نابیندن ایچوب
.
.
روح سبحاندی ولی عبدی چکور تصویره
بس که تسلیمیدی تقدیره، گلوب نخجیره
اوچ پر اوخ اصغرینه، ئوز باشینی شمشیره
یاحسین مرز شعوری کئچورم انسان سان؟؟
اگر الله، سوسوز اوخلانسا دئدیم، سبحان سان!!
.
.
نه قَدَر سوز یازیلوب سن هله لاادری سن
شاهکار و شه و شمشاد بَر و بَدری سن
قُلّهء قافیده کی قوس و قزح قدری سن
عاجزم من یازیم عشقیده تک علت سن
تا قیامت گونونه هیکل حریّت سن
.
.
اذنیم اولسیدی چکم پیکر حق ترسیمین
پرتو نوریده باش سیز اثرین تکریمین
ائده لر انس و اجنه او باشین تعظیمین
هودج نوریده حورالر اونا شعر اوخیار
قانلی پیراهنی زهرا آلوب از نو توخیار
.
.
یا حسین سوزلریمی شاءنووه نقصان گورورم
سنی میداندا کمک سیز ئورگی قان گورورم
سینووی نیزه یاروب جنتی اوردان گورورم
عرشیان دشت بلاده ائله نادم دایانوب
انبیاده سینه ده ال محضره خادم دایانوب
.
.
کئچورم رتبهء تعریف تفاخردن تز
یتیشم جاذبه معرفته چوخ موجز
شعره باخ دقت ائله گور نئجه ایلر معجز
گوردی چون مهلتی ذی قیمت و ارزنده حسین
سورونوب گودیِ گوداله برازنده حسین
.
.
قلبینون قانی اولوب آب وضو، قیلدی نماز
باشلادی حضرت دادره عجب راز و نیاز
بئله صحبت ائلیوب عاشقه معشوقهء ناز
واله و مست و مَلَنگ اولدی او مسجودِ شهود
گورمیوب عالم امکان ائله جانانه ودود
.
.
دئدی یارب قوتارور مرحلهء پیکر و تن
چاتدی دلخواهیمون آغازی اولوب وقت سخن
سوزلره سینهء صدپاره سی اولموشدی کفن
نقطهء واحدی دوتموشدی هدف تشنه جگر
خنجرِ شمری گوروب الده اولوب عاشق تر
.
.
اولوب اسطوره عشّاق اودم غرق طرب
کثرتون عالمینی ردّ ایلیوب عطشان لب
وادی وحدتی ایجاد ائلدی عشق نسَب
دئدی یارب منی تک عشقیده همپایه هانی
اولسا گر من کیمی مجنون اولارام قربانی
.
.
#قتلگاه
#حسینیه_محمد_وهابزاده
#حسینیه_شهادت
#باشی_سر_نیزه_ده_ناز_ایلدی_رقصان_اولدی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دور شامه گیدور عترتون الآن آنام اوغلی #کوچ_کربلا #محمدی_ناطق

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی