راه شام
زبانحال حضرت لیلا سلام الله علیها
به رأس مبارک حضرت علی اکبر علیه السلام
✍️ زبدة الاشعار ✍️
.
?: @nohe_torki
.
مرحوم صابر قفقازی
.
.
باخدی چون اکبرینون نیزده لیلا یوزینه
گوردی زلفی توکولوب چون شبِ یلدا یوزینه
.
.
ای صبا بیرجه اَس اول زلفِ پریشانی داغیت
خانمان دلِ ویرانۀ لیلانی داغیت
دلِ ویرانۀ لیلا کیمی دنیانی داغیت
قویما دوشسون داخی اول زلفِ سمن سا یوزینه
.
.
چون کنارایتدی صبا زلفِ شکن درشکنی
گورونوب هاشمی خال و خطِ وجه ُالحَسنی
آتدی سازنده لر اول وقت دف و دایره نی
بیر باخوب اکبره بیر باخدیلا لیلا یوزینه
.
.
دئدیلر کیمدی بوعورت بیزی نالان ایلین
یوخسا لیلادی بو مجنون کیمی افغان ایلین
سنی ای تازه جوان قانوه غلطان ایلین
نجه محشرده باخار حضرتِ زهرا یوزینه
.
.
قاشلارون طاقی اوغول سورۀ یاسین اوخوری
باخا هر کیم یوزیوه آیۀ تحسین اوخوری
اهلِ قرآندی بولار جمله سی طا سین اوخوری
نجه چکدیله قلج مظهرِ طاها یوزینه
.
.
ایتدیلر چاهِ زنخدانوه حسرتله نظر
مشتری اولماق ایچون بیر بیرینه ویردی خبر
توکدولر شام زلیخالری چوخ اشگِ بصر
باخدیلار حسرتیله یوسفِ بطحا یوزینه
.
.
عارضون صفحۀ انجیلِ خداوندِ ودود
نیزه باشندا باشون دا اوخوری سورۀ هود
دیه سن نیزه ایاقینده دوروب قومِ یهود
دارین اوستونده باخولّارهامی “عیسا یوزینه
.
.
مظهرِ حُسنِ پیمبر رخِ آلوندی سنون
آیۀ شمسِ ضحی مِهرِ جمالوندی سنون
سورۀ نونِ قلم هاشمی خالوندی سنون
کاکلون پرده چکوب لیلۀ اسرا یوزینه
.
.
باشداکی شورِ شهادتدی سنون تاجون علی
عارضون کعبه حرم لرهامی حُجّاجون علی
رَفرَفون نیزه مبارکدی بو معراجون علی
قاشلارون قابدی قوسِین او اَدنا یوزینه
.
.
مه یوزون آینۀ مصحف و تورات و زبور
آتشِ طورِ تجلّادی جمالوندا ظهور
مصردور شام بو قبطی لره یا وادی طور
آلِ فرعوندی گلوب باخماقا موسی یوزینه
.
.
ای اولان جدّی شبیهی شهِ بطها بالاسی
ای گوزللر گوزی ای خسروِ زیبا بالاسی
باش ویروب حق دانیشان وارثِ یحیی بالاسی
اهلِ بدعتدی گلوب باخماقا یحیی یوزینه
.
(صابرا) هر ایل عزا ساخلا علی اکبره سن
کربلاده گیدوب آغلا اول شهِ بی سره سن
گَل قیامتده بو جمعیله صفِ محشره سن
قالما حسرت ایکی دنیاده بو مولا یوزینه
.
#سبک_یارالی_جان_یارالی … 4 سبک
.
.
#راه_شام
#باخدی_چون_اکبرینون_نیزده_لیلا_یوزینه
#صابر_تبریزی
#ترکی
.
.
✍️ #زبدةالاشعار✍️
.
?: @nohe_torki
نظر دهید