زبانحال حضرت رباب (س)
در راه شام
..
..
..
شمس شاب تبریزی
..
..
..
باد صبا على یوزه زلفون نقاب ایدر
گویا محاقی مسکن اودم ماهتاب ایدر
..
باشون جدا باشیندا گزور شام یوللارین
قارداشلارونلا باش باشا شامه شتاب ایدر
..
باشلار ایچینده جلب نظر ایلوری باشون
آی دوره سینده مثل سُها ارزیاب ایدر
..
هر دم کی یِل اَسَر داغیدار قانلی تللرون
حال رباب بیکسی یکسر خراب ایدر
..
محلمده من دعا ائدوم آمین دئ نیزه ده
حتماً دعامی ذات خدا مستجاب ایدر
..
الله ربابی دهریده سنسیز یاشاتماسین
سنسیز منی بو چرخ دنی چوخ عذاب ایدر
..
برج حَمَلده سیر ایده بولمز سُها، ندن
گردون او نجمه دَلوِ غمی انتخاب ایدر
..
اَنّی جدائیله باشوین وار نه نسبتی
بیله سؤاله کیم علی ردّ جواب ایدر
..
باشون دالینجا گزمیشم از بسکه چوللری
لیلا باشون، باخان منی مجنون حساب ایدر
..
چوخ قورخورام جداوی دوتان غفلت ایلیه
باشون نی اوسته دورمیه دل اضطراب ایدر
..
بیرده گرک دوتام سنه اَمَّن یجیب اوغول
الحق بو آیه رفع بلا و عقاب ایدر
..
هجرون شراری زر کیمی تا وار بدنده جان
غم بوته سینده قلب ربابی مذاب ایدر
..
داشقندى شام یوللاری ناقه سنق اودور
افغان و ناله آل شه مستطاب ایدر
..
شمر دنی بولور کی آنان زلفونی یولار
قولّارینی بو علّته بست طناب ایدر
..
هیچ بولموری قرا تلیوین دستگیریم
مندن او زلف پر گرهون سلب تاب ایدر
..
گردون بولور کی عاشقیوم، حاسدانه تئز
ما بینمیزده پردۀ ظلمى حجاب ایدر
..
سینمده صود داشاندا محبّت سراسینی
اعجاز قدرت غمیله فتح باب ایدر
..
ای غنچه آچمامیش نه بولیدیم کی خارکین
دیگ فراقیده سنی آخر گلاب ایدر
..
غارت زمانی غارت ایدن گاهواره وی
یولدا گیدوب گلنده ربابه عتاب ایدر
..
عباس نامدار هانی تا گوره اوزی
کیملر عروس حیدری دلدن مُجاب ایدر
..
گل گوز گوزه دوراخ دانشاق یوخسا درد و غم
قالسا اورکده شدّتیله التهاب ایدر
..
هر دمده باخ رقیّیه آخر خرابه ده
بختیم کیمی یتیمه باجون ناز خواب ایدر
..
الغوث چکسم آهیله زهرا آنان کیمی
لرزه زمین و نُه طبق و نُه قُباب ایدر
..
چوخ حقلیم اگر یره توکسم سمانی من
کیم تاب ایدر بو درد و غمه کی رباب ایدر
..
اشکیم آخور او نوعیله گوزدن باخان دیر
گویا گول اوسته گریه دمادم سحاب ایدر
..
روح القُدُس مدد قیلا یا شاه کربلا
دعوی نوحه یازماقیدا «شمس شاب» ایدر
چوخلار غزلسرا تانیوللر اونی ولى
هر دمده اهل بیت ثناسین کتاب ایدر
..
#راه_شام #شمس_شاب_تبریزی #اصغریه_شمس_شاب_تبریزی #اصغریه_شهادت #ترکی #زبدةالاشعار
نظر دهید