اولدی آنادان شه والا حسن #حسنیه_رمضانی_خاکی

میلادیه امام حسن (ع)
.
.
رمضانی (خاکی)
.
.
اولدی آنادان شه والا حسن
زینت کاشانه زهرا حسن
نوردل سید بطها حسن
یعنی جگر گوشه طاها حسن
گل یایاقینان گویه قوزاندی نور
فاطمه نی ایلدی غرق سرور
.
.
باخدی آناسی رخ دلجوسینه
گه یوزونه گه گوزل ابروسینه
ساچدی اوزریک ایکی بازوسینه
اندی ملکلر یره پا بوسینه
فکر ائلمه بیر یول اوپوب گئتدیلر
کعبه کیمی بلکه طواف ائتدیلر
.
.
سسلدیلر گلدی امیر زمن
دلبر گل چهره و سیمین بدن
کعبه جان یعنی امام حسن
گوزلرون آیدین دئدیلر بوالحسن
بیر بئله گل گورمیوب هیچ بیر چمن
گللری حیران ائدوب اوغلون حسن
.
.
ملک سخاده بو آقا شاه اولار
محور عزو شرفه ماه اولار
شاهدا بونا بنده درگاه اولار
هانسی سلیماندا بئله جاه اولار
یوخدی بونا شان وجلالتده تای
رتبه ده مولا حسنی باشدا سای
.
.
گلدیله تبریکه هامی دلده شور
صاحب توراتیله اهل زبور
فاطمه نون منزلینه یاغدی نور
بو ایشه حیرتده قالوب کوه طور
گوردی کی بیر جام ولا دولدوروب
کفشکن جشنیده موسی دوروب
.
.
#حسنیه_میلادیه #حسنیه
#اولدی_آنادان_شه_والا_حسن
#رمضانی_خاکی
#ترکی