کوچ از کربلا
.
✍️ زبدة الاشعار ✍️
?: @nohe_torki
.
حاج آرمین عاصم (نوۀ گرامی مرحوم استادعاصم اردبیلی)
.
بارالها نیزه ده حسنون هویدا گؤرسنور
ظاهر اهلی گورسه سویلر حقّه همتا گؤرسنور
.
پادشاه عشقیدور یوز پادشاهه ناز ائدور
جان سوزور مژگانی گوزلر قانیله اعجاز ائدور
جان وئرور جانسیزلارا الطافینی ابراز ائدور
وار یئری گر سویله سم نی ده مسیحا گؤرسنور
.
شانه تک یئل شانه لور تورپاقلی زولفون مو به مو
پایلایور عطرین ایکی دنیایه یئللر کو به کو
می دهد این رایحه بر صد گلستان آبرو
نی ده سوسن یا سمن دور عالم آرا گورسنور
.
نقطۀ بسم اللهون قانلی لبینده جلوه گر
نون یاسین آشکارا غبغبینده جلوه گر
جلوۀ والفجر غملی کوکبینده جلوه گر
لا الهَ نقشینه آلنیندا الّا گورسنور
.
عالمی مست ایلیوبدور دیدۀ خمخانه سی
هر باخیشلان جام وصلی پایلایور میخانه سی
عشقی مجنون ایلیوبدور خندۀ مستانه سی
هر گؤزون آیینه سینده عشقه دریا گورسنور
.
گوزلری گون دور چکیب رخساره قانیله نقاب
گه طلوع و گه غروب و گه کند سیر آفتاب
گوز حسینون اولسا ایلر معجزه یا انقلاب
سورۀ والشمسه نی اوستونده معنا گورسنور
.
گوسترن موسی لره حق جلوه گاهین طوره باخ
سینه سینه یول آچور عشق آفتابی نوره باخ
عشقه باخ معشوقه باخ هر غمزه سینده شوره باخ
یار ، بی پرده فراز نی ده زیبا گورسنور
.
عارفه پایلور باخیشلان بادۀ شور و شعور
جوهری نور عارفین عقلی عرض شبه بلور
تا بلوری سیندیرور جوهر ائدور حقدن ظهور
ربی ارنی سویلیور نی اوسته مولا گورسنور
.
بادۀ عشق و جنونیله دولوب پیمانه لر
سدّ عقلی سیندیریبلار عاقل و فرزانه لر
دولت عشق و صفادن آیری دور بیگانه لر
ساقی نین ساغر گوزونده نور صهبا گورسنور
.
نیزه گویا بیر قلم دور حق یازور خاک اوستونه
خاکیدن سیر ایلور آدم طاق افلاک اوستونه
عشق اسرارین ائدور حک قلب صد چاک اوستونه
کیم باخور سویلور کی نی ده عرش اعلا گورسنور
.
جلوۀ جانانینه آئینه لر محتاج اولور
نوری اولسا منجلی بتخانه لر تاراج اولور
نیزه نی شوط ایلسه عاشقلری الحاج اولور
شش جهتدن روی مولا شمش بیضا گورسنور
.
اوخ یاران ابروسینه دنیا فدا عالم فدا
داش اوپن پیشانینه موسی فدا خاتم فدا
پارچالانمیش لبلره کوثر فدا زمزم فدا
پاره پاره آی کیمی دلبند طاها گؤرسنور
.
بو بیاباندا خدایا غملرین طوفانی وار
دلشکسته زینبین قلبینده غم دیوانی وار
نیزه یه باخدوقجا سویلور غمزوون قربانی وار
گؤز گؤزه اولجاق گؤزونده غملی زهرا گورسنور
.
زینبه خوشدور بو گون سرمایه و سودای عشق
گلمیشم بازار عشقه ای شه والای عشق
سن ساتان منده آلان بیر بوسه ده کالای عشق
مشترونده یاحسین چوخلی تمنا گورسنور
.
ناقه لر زنگین وورور محنتلی کروانیم گئدور
یوخ دیین ای کاروان آهسته گئت جانیم گئدور
ماه تابانیم گئدور مهر درخشانیم گئدور
کهکشان محنتون قارداش غم افزا گورسنور
.
سالک عشقون منم سن عارف والا مقام
سن سن عنقا قاف عشقی ائیله دون جانا مقام
یدّی گوی دن سس گلور ای حضرت عشق السلام
نی فرازینده هوالحقه تجلا گورسنور
.
#کوچ_کربلا
#بارالها_نیزه_ده_حسنون_هویدا_گؤرسنور
#عاصم_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید