بارالها یتیشوب موسم قرآن و ثنا #مناجات_آسال_اردبیلی

رمضانیه
.
#زبدةالاشعار
.
: @nohe_torki
.
نوید آسال اردبیلی
.
بارالها یتیشوب موسم قرآن و ثنا
لطف ایله بندووه ای سامع اذکار و دعا
.
عفو ایله روسیهم غرق گناهم یارب
من گنهکارم وسن صاحب احسان وعطا
.
عالم الغیبیدی آدون سنون ای ذات احد
گون کیمی بللی دی جانا سنه هر سر خفا
.
دردیمی یازماقا مین لوح و قلم تاب ایلمز
من سراپا الم و سن ولی هر درده دوا
.
چوخ مریضلر یورولوب دکتر دارولردن
تاپیلار بیرجه عنایتله مریضانه شفا
.
حمد ایدر نعمتووه صبح و مسا مخلوقات
هم زمین و زمن هم بشر واهل سما
.
آند ویررم سنی من آیه نون و قلمه
عفو ایله بندووی ای لایق تعظیم و ثنا
.
گلشن عشق و صفا صرصر کبریله سولوب
تئز یتیر فصل بهاری ویره تا عشقه صفا
.
گونده مین یولدا اگر سجده ایده ک درگهووه
ایلیک صبح ومسا ذکر و مناجات ودعا
.
آزدی یارب گینه ده آند اولا اوز شوکتووه
یوخ لیاقت کی اولاق بنده محبوب خدا
.
رحم ایله شیعه لره ای آدی رحمان ورحیم
قویما اوز باشیمیزه سن بیزه اول راهنما
.
بنده ی عاصی و مسکینیدی یارب بو «#نوید»
رحم ایله بنده ناچیزووه سن روز جزا
.
.
#رمضانیه
#بارالها_یتیشوب_موسم_قرآن_و_ثنا
#ترکی
.
#زبدةالاشعار
.
: @nohe_torki