در ضربت و شهادت حضرت امیرالمومنین علیه السلام
#گریز به عزاداری حضرت زهرا (س) در قتلگاه
.
✍️ #زبدةالاشعار ✍️
.
🆔: @nohe_torki
.
حسین فتاحی ( فاتح )
.
یخیلدی شاه خیبر کن ، شریعت پایدار اولسون
باتوب محرابیده قانه رضا پروردگار اولسون
.
کلام الله ناطق حیدر کرار شیر حق
ویروب کوی حقیقتتده قدم تا رستگار اولسون
.
تمام طول عمرونده اولوب مستضعفه حامی
داخی هیهات دنیاده بئله بیر شهریار اولسون
.
محبتله چکردی ال یتیمین باشینه هر آن
مبادا صورتینده غصه دن گرد و غبار اولسون
.
فقیر و اغنیایه فرق قویمازدی شه کونین
تلاش مفرط ایلردی عدالت برقرار اولسون
.
تحمل ایتمدی عدلین ریاست آختاران کسلر
زبیر و طلحه آیریلدی قرین فتنه کار اولسون
.
قضاوت مسندینده یوخ تزلزل حکمینه حاشا
بلی قاضی گرک مسندده صاحب اقتدار اولسون
.
عقیل اصرار ائدیب آْلسین بیر آز چوخ سهم بیت المال
بیوردی ایستیسن حیدر جزاده اهل نار اولسون؟
.
گورونموب اغنیائیله اولا هم سفره بیر یرده
دیردی حاکم دینی گرک مظلومه یار اولسون
.
عدالت هیکلین سالدی ایاقدان حیف اهل کین
مرادی اوغلی تک کیمدور لئیم روزگار اولسون؟
.
نماز اوسته یتوب صدمه نمازین رکنینه آخر
آخوب قان صورته عاشق گرک گلگون عذار اولسون
.
نوایه گلدی عرش اهلی اوجالدی صوت واویلا
بجادی بو مصیبتده قیامت آشکار اولسون
.
دئدی فزت برب الکعبه ، کعبه مفخری حیدر
که اولدوم رستگار آخر ، بو دنیا کامیاب اولسون
.
آلوبدی کوفه شهرین بیر فضای غم فزا گوییا
گلوب باد خزان گلزاره تا غمگین هزار اولسون
.
گلیم اوستونده حمل اولدی ائوه اول فاتخ خیبر
زمانه گورمیوب بیر کس بئله حاله دچار اولسون
.
بویوردی ئوز ایاقیمله گئدم بو آز یولی خوشدی
مبادا زینبیم قورخا ، بو غمده دلفکار اولسون
.
گوروب باشدان آخان قانی ولی زینب ایدوب افغان
دئدی واردی یری ایندی گوزوم ابر بهار اولسون
.
آخوب قان صفحه رخساریوه حائل اولوب یکسر
کسوفه گون دوشوب گویا جهان تا لیل تار اولسون
.
وئرور رنگ روخون هر آن خبر حال مکدردن
گوروم وضع پریشانه کمک حی کبار اولسون
.
دوشنده مشکله هر قیز آناسین سسلیر داده
ئورکدن تا فشار غم بیر آز شاید کنار اولسون
.
یانان قلبیله یوز دوتدی بقیعه : گل آنا زهرا
یاخیندیر کی بابام کوی وصاله رهسپار اولسون
.
گل ای شیر خدانین غم گونونده یار و غمخواری
چتین وقته گرک یار یاره چوخ تئز غمگسار اولسون
.
قولون دوزدور سینوب اما ندور چاره بو اثناده
سینان بازوئله باغلا یاراسینن تا مهار اولسون
.
سارالموش بیر گله بنذر گئدوب تاب و توان الدن
سنیدون یار حیدر گل گئنه امیدوار اولسون
.
دوزنمزدون حسینی گر گوریدون دیده سی گریان
نجه راضی اولورسان بو حسینون اشکبار اولسون
.
گلوب زهرا ولی کرب و بلاده قانلی میدانه
یازام بو نوحه نی لازمدی لطف کردگار اولسون
.
گوروب ایستکلیسی قانه باتوب سسلندی جان اوغلوم
محال ِ امریدور سن تک جهاندا زخمدار اولسون
.
بوغازون یاره سین گورجک یادیمدان چیخدی ئوز یارم
بو حالی هر آنا گورسه گرک بی اختیار اولسون
.
ئولوبدی یار و انصارون هانی اکبر هانی عباس
چتین دی قورخولی صحراده یالقیز شهسوار اولسون
.
ویریبلار جسمیوه داش نیزه اوخ خنجر شقاوتله
نه ائتمیشدون که زخم جسم پاکون بی شمار اولسون
.
یازاندا بو سوزی #فاتح آخوبدی اشک خونباری
که ایستر کربلا قویما بو نوکر انتظار اولسون
.
.
#حیدریه_شهادت
#قتلگاه
#یخیلدی_شاه_خیبر_کن_شریعت_پایدار_اولسون
#ترکی
.
✍️ #زبدةالاشعار ✍️
.
🆔: @nohe_torki
نظر دهید